【繽紛閱讀】芥子園出版系列 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

試玩日期:2017-06-01
【繽紛閱讀】芥子園出版系列

紅蘋果、白羚羊陪伴住我哋成長!大家同一個年代,冇理由唔識呢兩本芥子園最hit嘅兒童書藉喎!一代傳一代,晴朗都開始睇紅蘋果喇!仲睇埋芥子園嘅其他出品添!好唔好睇?跟住嚟啦!
嘩!好多書呀!晴朗雙眼發光ing~


而且仲二話不說已經開始睇喇!睇得津津有味~

全部都係芥子園出品,等我逐一為大家介紹下啦!

《小小紅蘋果》:
適合3-7歲兒童閱讀

簡介:專為讀梗幼稚園嘅小朋友而設!親子伴讀嘅時候,透過講故事、講解科學知識、玩遊戲同睇漫畫,可幫助小朋友建立良好嘅閱讀習慣。


期期都有精彩故事~


內容簡單易明,而且插圖畫得好可愛呀!


今期介紹一種叫「綠頭鴨」嘅鴨子,除咗講解佢哋身體嘅特徵之外,仲教我哋點分雄性和雌性~


從綠頭鴨嘅唔同特性中,我哋認識咗原來鴨媽媽為咗保護bb,會扮受傷倒地引開襲擊者。好偉大呀!


生活百科就介紹咗牛奶嘅由來、乳製品同埋好處~


小俠森森嘅漫話好搞笑㗎!


愛莉諾嘅故事正正係小朋友日常生活所面對嘅問題,好似今期就講夜晚瞓唔著可以點做?睇完故事又可以有多個參考喇!


晴晴一見到小白熊康康就好開心㗎喇!畫得好可愛!而且文字簡單易讀,好多字都可以由小朋友自己讀~


大家知唔知我哋點解會「打喊露」呢?呢個問題連科學家都解釋唔到。除咗長頸鹿之外,其他動物都會「打喊露」㗎!係咪好有趣呢?

睇完故事同學習知識後,不如玩下遊戲丫!


找不同,好好玩呀!


仲有好多其他需要小朋友動手做嘅遊戲~


晴晴急不及待要玩剪紙遊戲,朗朗都嚟幫手呀!


一齊合力幫火山填上顏色,成個火山突然活潑起上來喇!


連書底都有短篇漫畫,晴晴睇完講番畀我知話好好笑,又真係幾生動有趣喎!

《Story Box》:
適合3-6歲兒童閱讀

簡介:小朋友透過閱讀長篇插圖故事、認識各種動物、探索自然生態及科學、玩遊戲、睇漫畫,輕鬆學習英文。


晴晴正投入於故事中~


故事插圖畫得好靚,連我都被吸引埋一份呀!


除咗長篇故事外,仲有一啲每期都有嘅短篇故事,小朋友都會好有興趣集集追落去~


呢篇漫畫對於晴晴嚟講特別有親切感,因為佢又係叫SAM SAM呀!


picture story簡短易明,小朋友都可以自己閱讀~


而晴朗最喜歡係呢篇只有圖畫沒有文字嘅故事,加啲想像力,每次都可以講出唔不一樣嘅故事~


仲有一啲生活小知識,呢期就講毛冷嘅由來喇!


原來毛冷係由小綿羊身體啲毛毛經過唔同程序製成嘅!呢啲連大人都未必知嘅冷知識,我都覺得好有趣呀!


今期「動物世界」介紹老虎~


除咗相片,亦會有圖畫加以講解,大家都長知識喇!

書中亦有好多唔同類型嘅遊戲畀小朋友玩~


好似油顏色...


找不同...


填字遊戲等等,全部都係晴晴平時最鍾意玩㗎!


最後,可以從生字表當中認讀一下今期學過嘅英文字。溫故知新,唔錯呀!

《紅蘋果》:
適合6-10歲兒童閱讀

簡介:透過兒童文學故事、生活常識、科學同埋幽默連載漫畫等多元化內容,滿足小朋友嘅好奇心、激發創作。


朗朗邊睇邊讀,吸引埋晴晴一齊過嚟睇呀!


唔好畀「文學」兩個字嚇親,故事寫得精彩有趣,朗朗都睇到笑笑口~


睇完一章接住一章,小朋友都會好有興趣想知道後事如何㗎!


科學小知識又係好得意,大家估下罩住嘅牛油會溶得快啲定係冇罩住嘅呢?實驗其實係想帶出溫室效應嘅問題~


溫室效應會為我哋帶來咩嘢後果?


我哋又可唔可以為保護地球出一分力?


如果我哋唔好好保護地球,一百年後就會有好多地方都唔適合居住㗎喇!朗朗對於科學知識特別有興趣呀!


我哋亦可以在《紅蘋果》當中認識不同嘅動物~


圖畫同簡短文字帶出咗動物不同嘅特性,我哋對貓又了解多咗喇!


連點樣照顧貓都有講解埋,我都係而家先知貓係唔可以飲牛奶㗎咋!


我哋熟悉嘅《方方和圓圓》呀!晴朗從幼稚園已經開始接觸《方方和圓圓》故事,所以特別有親切感呀!


看圖畫蜘蛛,晴朗所畫嘅兩幅都好可愛,好似呢!

《Adventure Box》:
適合6-9歲兒童閱讀

簡介:由長篇故事、有趣生動嘅漫畫、自然科學同埋益智遊戲組合而成,係一本由世界著名兒童文學作家撰寫嘅作品,最適合開始自己閱讀嘅小朋友睇喇!


晴朗對於呢期講嘅「探訪吸血鬼」故事好有興趣~


好奇、疑問、探險、嘗試,故事耐人尋味,結局仲好好笑添!


有趣生動嘅漫畫可以誘發小朋友自主閱讀~


從唔同嘅動物知識亦可以培養小朋友對大自然嘅興趣~


每一期都會有唔同嘅動物介紹,今期介紹蜘蛛~


講解咗蜘蛛嘅特性,仲教我哋點分雄性和雌性添!


遊戲時間就最興奮喇!今期主題講食物,要搵晒啲「food」字出嚟!


然後就要跟住啲紅蘿蔔搵番迷宮嘅出口~


按住指定嘅蔬菜pattern就可以到達終點~


《Adventure Box》都有跟埋詞彙表,對於認讀每一期嘅生字就方便得多啦!


有兄弟姊妹陪伴係一件好幸福嘅事,一齊睇、一齊講、一齊玩,晴朗每個月都好期待新一期嘅來臨呀!

紅蘋果、白羚羊帶畀我好多回憶!我仲記得小學果陣,每個月從老師手上接過新一期嘅時候,心情係幾咁興奮期待。有次參加有獎遊戲,我仲贏咗人生中嘅第一對波鞋添!而家每個月嘅期待與興奮就傳咗畀晴朗喇!從刊物中,可以感受到芥子園果份心機同專業。唔只小朋友大開眼界,連大人都增廣見聞呀!每一期精彩豐富嘅內容都非常吸引,不但係家長同小朋友嘅精神食糧,亦係陪伴住小朋友長大嘅優質讀物。我哋只係介紹咗芥子園眾多產品中嘅其中四款,佢哋仲有好多款㗎!有啲仲識發聲添!亦出咗電子書同電子雜誌,適合唔同人嘅需要。值得推介呀!


 芥子園出版社 
地址:香港九龍長沙灣青山道489-491號香港工業中心A座9樓8室
電話:3753 8400
網址:https://zh-hk.bayard.com.hk
facebook: https://www.facebook.com/bayardpresseasiafb

※ 以上產品及產品說明由品牌提供


FIND US on:
     

BLOGs:

CONTACT US:



晴朗媽媽
Editor's Pick