小朋友輕易愛上Messy Play@美贊臣Inspired by Moms原生探索坊 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

試玩日期:2016-10-03
小朋友輕易愛上Messy Play@美贊臣Inspired by Moms原生探索坊

上星期小周董優先參加左美贊臣係中環PMQ元創方攪既「Inspired by Moms原生探索坊」,活動免費提供刺激感官發展的Messy Play遊戲活動空間,比小朋友係無拘束的環境,勇於探索和創作,提升自我肯定的能力,知道有得玩小周董己經急不及待要玩啦玩啦~~~玩啦 ^^

開始玩Messy Play之前媽媽先聽一個專家育兒講座因為除左Messy Play之外活動仲有一個啟發分享室會邀請不同的專家,透過大約一小時多元化的講座入面,比我地家長們認識怎樣正向管教孩子、孩子所需營養,以及如何啟發孩子天資等,我以前好怕上堂聽書,但關於自己小朋友教育,我覺得真係要聽多d專家意見,家長同小朋友其實係要同步學習,今次真係獲益不少。

小周董終於等到佢既玩樂時間啦~ 但玩之前都向大家簡單講下究竟咩係Messy Play呢多元化的其實Messy Play是由孩子主導的遊戲方法,刺激多元感官發展,和以往傳統的遊戲方式有所不同。美贊臣「Inspired by Moms原生探索坊」將由兩個活動空間所組成,包括探索遊戲室 (Exploration Playroom)及啟發分享室 (Inspiration Classroom)。探索遊戲室將進行Messy Play及故事工作坊,其中Messy Play現場會提供各式各樣的塗鴉工具,包括可清洗的油彩,讓孩子在雪白廣大的牆壁及巨型紙屋上任意創作,父母亦可讓孩子自主,由他自己決定怎樣才是美,才算畫得好,暫時放下規則,跟孩子投入玩樂,讓他有機會發揮之餘,亦增進親子關係。故事工作坊亦將於十月中推出。

 換好圍裙仔小周董急不及待去姐姐度拎顏料小朋友總是貪心的所有顏色都要齊晒 ^^

小周董個人其實比較慢熱, 同埋我成日覺得有少少潔辟, 因為係屋企有時食飯隻手污糟dd, 都會嘈住要抺手, 所以我當初都有少少擔心佢唔敢用手玩。但我想佢盡情放開玩樂, 我作為家長就首先要跳出自己框框, 話比自己知Messy Play當然要污糟先好啦 (((btw其實顏料係水溶性, 好容易洗得甩, 所以唔怕 heheee )) 我親自用手指掂落d顏料度, 再開始在牆壁上亂畫.....!!(其實我都係第一次Messy Play所以我自己都幾enjoy ^^)

 小朋友真係經常比到我好大驚喜, 原來佢完全無怕過污糟呢件事, 見到我用手指畫, 佢3秒後己經跟住用手指一點點將顏料卬在牆壁上。

 仲越畫越開心, 古靈精怪既樣出晒黎 hahaaa

 之後仲一整隻手放晒落盤顏料內, 圍裙同襪仔都開始沾上了顏料, 哈~但咁先係Messy Play嘛! 

越畫越高興, 開始自由發揮畫上他的個人手掌畫....見到越畫越起勁, 有時2隻手拍埋再卬上牆壁, 佢會同我講呢隻係蝴蝶啊, 果然畫畫真係發揮到佢創意之餘仲豐富左佢既想像力。

玩左半小時後, 工作人員再拎出一個大紙皮屋, 在場小朋友一見到間屋都即刻走去屋內慢慢探索, 哈~ 發現乜都無既時候, 小朋友都自動拎起手上既顏料盤, 幫間屋畫上顏色。

小周董仲未識得畫圖案或公仔, 所以見到佢只想將整個屋頂塗滿顏色, 從中我發現佢原來都幾細心同埋都幾有耐性, 佢見到就算有小小位置仲未有顏色, 佢都會想方法填滿佢。呢d行為我係屋企真係無可能發現到。

今次Messy Play我覺得唔止係小朋友玩樂咁簡單, 作為家長係身邊望住小朋友如何克服障礙, 發揮創意, 豐富幻想力, 見到佢同其他小朋友一齊玩一齊分享顏料, 家長係呢個畫畫過程中睇到小朋友性格, 最重要係加強左親子關係, 見到小朋友好開心好投入地畫畫, 呢d回憶對於我黎講係非常難忘, 估唔到我今次既得著比小朋友更多, 多謝美贊臣給我們一家有一次咁快樂既體驗。

美贊臣Inspired by Moms原生探索坊活動將於10月1日起至1113日正式開放讓公眾參與,父母可以由今日起留意「美贊臣Enfinitas」 Facebook專頁(www.facebook.com/enfinitashk) 網站參閱報名詳情,活動名額有限,將會以抽籤形式抽出參加者。參加Messy Play及專家講座工作坊的參加者將分別獲得畫畫工具及手指畫套裝,讓孩子在家中也可繼續Messy Play。有興趣記得快d去報名參加啦^^

美贊臣「Inspired by Moms原生探索坊」活動詳情

地點:中環鴨巴甸街35號PMQ元創方A座S506&S507

日期:10月1日起至11月13日

費用:全免

詳情請留意「美贊臣Enfinitas」 Facebook專頁:www.facebook.com/enfinitashk

查詢:2725 5399 (辦公時間:星期一至五,上午9時至下午6)

www.facebook.com/1437ritaandhim

歡迎邀稿或其他產品試用,電郵聯絡: ppqq1437@yahoo.com.hk 

其他BLOG分享包括: 




Rita Lo
Editor's Pick