齊來認識微整型~ NuMe X Norgel 微整新趨勢 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

試玩日期:2016-10-27
齊來認識微整型~ NuMe X Norgel 微整新趨勢
作為美容BLOGGER, 好多野都會試. 好多野都夠膽試
但唯獨係微整型呢方面仲未開始研究同試~XD 
 
一黎,自己好怕痛
二黎,對呢方面的認識真係非常皮毛
呢D療程,坊間幾萬蚊又有,團購幾百蚊一枝又有
其實兩者既分別係邊?係咪叫得透明質酸,就全部都一樣?
今晚去左NuMe 名人醫美外科中心 上下堂,學下野先~
 
 
呢度位於銅鑼灣地帶的醫美中心,地方又大又靚,好有規模
如果有心想做微整型的人仕,真係唔好貪平,
畢竟呢D都係屬於注入性既小手術,存在一定既風險~
如果有咩出錯,肌肉會係30分鐘內壞死,就無得救架啦~
所以千萬唔好幫襯個D又黑又細既美容院仔做呢類手術呀~ (真係面子悠關,恨錯難返架)
記得一定要搵"註冊醫生",畢竟係醫療野呀~
 
 
是夜好SURPRISE ,見到好耐無見的韓君婷,原來佢已經加入左做醫學美容的團隊
仲係好認真咁去讀過書,了解哂先開始投入團隊架~
 
當晚仲特別邀請左一位BLOGGER 朋友親身即場試下微整型的威力添~記得睇到去下面呀~
 
當然,要對微整型的產品了解多D,由產品代理人親自解說自然更清楚~
 
時下好多人選擇微整型,都係可能因為貪靚,想更靚
其實微整型係"抗衰老"呢方面都可擔當一個好重要的角色~
 
 
原來我地既面骨會因為年紀而內縮,咁移左位,自然就會出現D 摺位,即係紋啦~
咁你實講,我一早知啦,打透明質酸去填充虎紋,去火車軌個D咪得囉~ 
不過,原來揀透明質酸都有好多種~ 除左有唔同大細既粒子外
仲要睇佢三方面既表現
回彈性/可塑性/聚合性
 
高回彈性的透明質酸可以令到你面部肌肉有彈性,唔會按左落去就唔識彈番上黎~
好似呢個粉紅波咁,一按可以彈番上黎
 
而高可塑性的就好似呢舊紫色黎咁,可以整咩形都得,等你可以修飾番面部的缺陷
聚合性就係可以可以高度咁融合的皮膚,變成你既一部份,減少透明質酸的移位
 
 
再由專業既醫生決定你邊個部要打咩同打幾多劑量
所以,如果求其係用團購買返黎個打,分分鐘打錯野架~
 
德國的BELOTERO就有出唔同功效既透明質酸, 有SOFT, BALANCE, INTENSIVE 同埋VOLUME~
 
配合番你不同的需要
 
 
BELOTERO 出的透明質酸曾榮獲2014年Aest hetic Awards最佳產品填充大賞,
專利CPM技術使透明質酸高度融合度,於皮膚比於其他品牌更高, 
比其他品牌甚少出現副作用。有助撫平皺紋,即時為肌膚注入水份,塑造立體輪廓。
 
下次打透明質酸時,識得點問醫生啦~
 
 
 
除左透明質酸, 原來外國好流行打一種叫 微晶瓷
 
初初聽呢個名,我以為會係好硬的填充劑,用黎打高個鼻就最啱啦~
 
點知.............................錯哂~@@
 
原來微晶瓷主要係針對面部的凹陷/改善下垂的輪廓同激刺骨膠原~
睇下呢D實例就更易理解~

 
圖中的藍色圈就係微晶瓷可以注射的地方啦~
 
其實微晶瓷係由30% CALCIUM HYDORXYLAPATIE CaHA 同70%凝膠組成
而CaHA 更加可以促進體的骨膜生長,維持長效,所以微晶瓷比透明質酸更有持久力,可以KEEP到年半啦~
 

咁當然,市面有咁多微晶瓷, 邊隻牌子好?
字號老,當然牌子好,RADIESSE 既微晶瓷 係醫美界已經有10年既歷史
佢更加係全球第一及唯一一隻可以認可係手同臉都用得既填充劑
唔係佢自己講,係FDA 講架~
 
 
 
當然,打呢D填充劑唔可以操之過急,以為一次過塞哂入去就得,其實係錯架~ 
醫生就好似雕刻家咁,每次幫你雕少少,要雕多幾次,先至有完美的效果架~
 
至於有唔少人都有打既肉毒桿菌素~ 大家其實又知唔知係咩黎?
肉毒桿菌素最初係用作醫療,用黎減低神經痛~
後尾俾人發現原來可以用係美容方面,以令肌肉放鬆的形態去減少皺紋,平滑肌膚
因為都屬於醫用藥物,所以大家揀既時候要注意有冇認證啦~
就好似XEOMIN 的肉毒桿菌素已經得到美國FDA, 歐盟CE 及香港衛生署核準既,先用得放心架~
 
而另一個要注意既就係產品的複合蛋白有幾多, 複合蛋白其實係一D雜質黎~
產品越多複合蛋白,耐受性會較低,即係更大機會出現過敏等反應~
用得多身體會產生抗體,出現抗藥性,打得多就會無效,以後想再用呢種肉毒桿菌素黎治療都唔得架啦~
 
XEOMIN 的肉毒桿菌素就不含複合蛋白成份,以免使用者出現抗藥性呢D弊病~
 
 
 
聽完三種填充劑後,係咪好想快D睇實例呢?~
 
BLOGGER 朋友打完後,真係成個唔同哂呀~
原先好棱角的面部變成瓜子面呀~
 
 
 
而且最重要係打完後都無流哂血同無腫,即時出得街見人啦~
估唔到微整型的威力真係咁強
短短個半鐘已經改頭換面咁濟~ 
 
好多謝NuME 同NORGEL 的邀請,今晚好開心,因為學左好多微整型的知識
 
 
希望我呢篇文可以為想微整型的你帶來更多的資訊啦~
整形前,記得咨詢專業醫生的意見呀~
 
NuMe名人醫美外科中心
地址: 香港銅鑼灣告士打道255-257號信和廣場2505室 
電話:(852) 22950988/(852) 22950955
 
以上產品及資料NuMe及Norgel提供
 
如要聯絡本人,請電郵至: smonkichi@hotmail.com
 
 


Sally Ngai
Editor's Pick