小煮意 •大體驗~ 小朋友茶餐廳伙計體驗 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

試玩日期:2018-04-22
小煮意 •大體驗~ 小朋友茶餐廳伙計體驗
今日同女女去左鰂魚涌茶記

嚐樂煮意

 
 
當然就唔係黎食茶餐咁簡單啦~
 
我地參加左由 "果子.夢 (結伴同遊)"舉辦的
小煮意.大體驗
 
認識香港地道飲食文化
體驗一下"茶餐廳" 的工作~
茶餐廳我地好多時都會去,但究竟做一個茶餐廳伙計又係點樣一回事呢?
 
 
平時好多體驗工作的活動,都係一間模擬設計室
將工作空間重造出黎,少不免有點兒美化左
 
但今次既茶餐廳體驗,係去一間真的茶餐廳,夠哂真實感呀~ 
未正式開工前,導師姐姐化身成餐廳經理
同大家講解下今日既工作,等小朋友有個概念~
 
 
導師姐姐好有耐性,講解又生動,個個小朋友都好留意聽書
 
 
返工,當然要換番件返工衫先啦~ XD 
 
 
聽完工作講解後,導師姐姐叫大家仆係枱面,冷靜諗下會唔會返呢份工
我覺得呢個環節好好呀
等小朋友學識要冷靜分析事情~
 
 
諗清楚後,就可以填寫個人資料去見工啦~XD 
 
 
仲未止呀,見工呢,要面試架~XD 
經理將小朋友按年齡分成幾組
問小朋友一D應變的問題
好似跌左既飽可唔可以俾客人
客人倒瀉飲品要點.....
對小朋友黎講,都係一個學習同思考的環節
仲睇到小朋友既應變能力同答問題的能力
 
(好明顯睇到阿女個腦轉得好好好好好慢~HAHA) 
 
 
經過重重難關後,終於可以換上制服,開始做茶記伙計啦~
 
 
呢個時候,父母就要迴避一下,因為經理會幫小朋友進行秘密訓練~XD
 
小朋友做伙計,咁父母們要做咩呢?
當然係做麻煩客人,俾D考驗佢地啦~XD
小伙計茶餐廳正式開始營業啦
 
首先,當然要歡迎光臨同帶客人入座啦~
 
 
安頓好客人,就開始落單啦~ 
 
"請問你想食D咩呀?"
由小朋友口中講出黎真係好得意~XD 
 
 
估唔到一眨眼的光景,阿女已經學識左寫茶記文字啦~HAHA 
 
A餐,凍可力,5號枱 真係好可愛呀~~
 
 
落好餐,並唔係繑埋手等煮架
小朋友要自己去砌番個餐送俾客人
訓練小肌肉活動又黎啦~
 
 
將個餐拎到客人面前,仲要唔好跌,對佢地黎講都有難度架
見佢地小心奕奕咁捧住個餐,慢慢行到埋枱俾客人,個種成功感同喜悅感
隔住張枱都FEEL到
 
 
客人有咩要求,做伙計都要做架
想考驗下你既小朋友,係時候啦~
做一下麻煩客人,小朋友先更加得益架~
 
 
 
 
 
 
叫完野食,當然有餐飲啦~
餐飲全部都大大杯架,攞之前,經理會同大家再 briefing一次 
教小朋友點攞,小朋友好認真同投入去睇住~
 
 
見佢地一路行一路震個樣,真係又緊張,又好笑
 
 
記得要放手俾佢地自己做,咁樣先可以真正體驗架~
 
忙完一輪,來個中期評估啦~
做得好既小朋友,仲有得升職做副經理架~
 
 
餐 / 茶都出哂,係咪完啦?
當然未啦,仲有大把野做呀~
 
要清潔個地面,幫手掃地,拖地
 
 
掃完地,仲要收拾餐具,抺枱,洗碗~
 
 
非常咁忙碌呀~XD 
 
 
 
就連收銀都要做埋架,真係一腳踢~XD 
 
 
 
做左成日,終於捱到出糧啦~ 
經理會為每一個小朋友做一個整體評估
有咩做得好,有咩要改善
 
 
攞到人工個一刻,真係隔住個MON都FEEL到佢係幾咁滿足~
 
 
當然啦,要有錢先可以有野食架
辛苦左成日既錢,就可以去食一餐啦~
 
 
做得咁辛苦,當然要食多D,阿女..............食左兩盤~HAHA~ 
 
 
即場加映~廚房重地
呢間係一間真真正正營業既茶餐廳,成個廚房都真係用緊的
經理係之前的密集式訓練就同小朋友介紹左茶餐廳既廚房重地
依家小朋友就要同父母介紹番呢個廚房啦~
 
 
 
咁大個飯煲,真係好少機會見到~XD
 
 
平時無乜機會入到茶餐廳既廚房~
呢個活動就俾大家徹徹底底咁認識一間茶餐廳的運作
小朋友透過呢個活動,除左體驗茶餐廳的工作外
仲體驗到成人世界工作的辛苦同工作賺錢的概念
做左成日,終於有一餐食,真係食得特別好味架~
 
係呢度活動入面,我感到女兒真的成長了,不論抺枱,收拾都做得有板有眼
完完全全係一個小大人了,真係感觸到有D眼濕濕架
當然,係呢個體驗入面都見到佢不足,例如好怕羞唔敢開口,唔夠主動
要好好再訓練下先~
 
至於女女,見佢全種笑容滿面就知佢玩得好開心心啦~
 
好多謝 "果子.夢 (結伴同遊)",令小女有一個咁珍貴的工作體驗
 
如果大家都想參加工作體驗,可以留意"果子.夢 (結伴同遊)"的網址呀
 
 
5-6月仲有3班,有興趣既朋友可以 Whatsapp : 51880429 報名
 
 
以上活動由公關提供
 
如要聯絡本人,請電郵至: smonkichi@hotmail.com
 
 


Sally Ngai
Editor's Pick