【上環】讓人微笑的DK Cuppa Tea | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

試玩日期:2016-10-26
【上環】讓人微笑的DK Cuppa Tea

受到大量朋友洗版下我終於忍不住千山萬水來到DK Cuppa Tea來試一試tea set。之前在飲食飯團見過粉藍色的賽姬戀曲set,已經覺得好精美,但心裡一直湧著一個「好睇的通常唔好食」的怨念,因為「瀨得嘢多」,自我保護mode全開。店內有好幾款tea set可以選擇,花多眼亂,有選擇困難症的人應該會幾痛苦(因為價錢好像全部一樣的)。

1

而喜歡b duck黃色鴨子的朋友想都不想就試浮游童心下午茶set Young Voyage!啊,忘了說,這裡的tea set兩位起,即是說必須要雙數朋友來享用的。首先上桌的是mojito雪葩,清一清味蕾。

5

登登!上桌時一把年紀都忍不住尖叫!好可愛!殺菲林程度爆燈!來得DK Cuppa Tea的朋友都肯定準備好相機吧!不論是只影食物或是自拍群拍,都可能要撓嚷半個鐘才可以吃…不過這裡的服務很好,服務員會主動問客人有沒有需要加熱。

4

當中的蟹鉗和芝士焗蜆肉,熱一點食多一分滋味(我覺得)。蟹鉗啖啖肉,帶一點點海水味,如果可以多吃一隻就好了…(笑)芝士焗蜆肉,個人覺得調味適中,用料都幾足,沒有因為「賣靚樣」就偷工減料。

7

好了,來到tea set本體,有點兒不捨得吃。浴缸內的泡泡下,藏有幾片腸仔,印象中有辣肉腸,有香草腸和原味(?)因為拍照拍太久,有點冷了,自覺整份下午茶中比較失色的反而是這些腸仔。

6

咸食的還有這個香草牛角包,鬆脆度滿分,加熱更佳!朋友說這牛角包是整份set的best of the best,我亦同意!甜點才是整個tea set的重心!先講一下我最like的奶凍,粉藍色上面加泡泡,如浴缸泡泡浴,心思我給十粒星星!味道完全沒有過甜,非常滑溜!

8

剩餘的黃色其實全是檸檬味,檸檬馬卡龍,這個就少不免甜甜甜,上面有隻小鴨,好精緻!

9

甜點當中的highlight一定是這個西西利檸檬撻,檸檬味特別濃,酸酸的令人感覺沒那麼飽滯。這件cake一客tea set只有一件,唯有淺嚐,不可以獨食了啊。

10

糖霜曲奇真心靚到不捨得吃,下面的棉花糖實在是畫龍點睛~(心心)

11

這幾隻是朱古力造的鴨鴨,可以吃的不是膠鴨啊!很神奇!

2

Tea set包了有機檸檬紅茶,解膩,解渴,茶包extra large size,所以返沖很多次味道仍ok保持得到。

3

用到的餐具同樣很精緻,上面有一隻鴨子焦糖橡皮糖,滿足味蕾又滿足視覺!

 

最後還有香薰環節,有得食有得玩,大人小朋友都會很喜歡吧?價錢拍得住酒店tea set,個人覺得給大家多一個選擇也是好事。

 

DK Cuppa Tea
上環新街市街19號地舖
openrice: http://bit.ly/2eciUQH

 

**產品/產品資料由品牌提供,真心分享,但畢竟大家DNA不同,效果因人而異。歡迎電郵查詢 :)

 

ngayiellie@gmail.com
https://www.facebook.com/popcornellie
http://instagram.com/popcornellie
http://www.weibo.com/u/5692323010


識飲識食
Tea Buffet@喜來...
試玩日期:Dec 28, 2016

每年聖誕都會想搵啲好嘅餐廳同親友聚下,食番餐好嘅!我仲依稀記得大概四五歲嘅時候,父母帶埋我哋幾兄弟姊妹去食過一餐豐富嘅聖誕大餐。媽媽陪我出去夾食物、周圍聖誕佈置好靚嘅印像仲仍然留響我腦海內。點解會印像咁深刻?可能係果種節日氣氛太濃厚嘅關係啦!一直到而家都未能忘記。就係因為呢片回憶不停浮現,今年特別想帶晴朗一齊去食番餐聖誕buffet。朋友介紹我哋試下喜來登嘅tea buffet,位置都幾近尖東海旁,食飽順便可以去睇埋燈飾。一舉兩得呀!
有時去食buffet未必係為咗啲食物,去到見到個環境同氣氛都已經好開心!cheers~


我哋被安排坐響對正甜品嘅位置。正呀!甜品呀!*o*


唔好咁心急住,食咗正餐先啦!甜品會壓逐登場~^o^


沙律吧啲材料都唔少喎!


火腿有3款,加啲nuts開開胃先~


海鮮亦有3款


蟹鉗都幾大隻喎!


日式壽司、刺身、冷麵


晴朗至愛係蛋、太卷同腐皮壽司,而剩番嘅三文魚就係我嘅大愛喇!


開咗胃之後,不如睇下熱食類啦!迷你漢堡有兩款,加埋薯條,好有美國風味。仲有串燒添!


放低食物畀晴晴後,繼續四出搵食先~


叉燒酥、三文治、豆沙酥、炸雲吞、春卷、羊架、魚、鴨胸、白汁長通粉...


點心有燒賣、蝦餃、奶皇包


pizza都有兩款,上面果款係素菜pizza嚟呀!對素食者都照顧埋,又幾貼心喎!


我唔客氣喇!好欣賞白汁長通粉,個汁夠晒creamy同芝士味好濃郁呀!


中湯、西湯,你想要咩嘢湯?


聖誕節就當然揀西湯啦!龍蝦湯整得幾好味,如果有埋酥皮響面就perfect喇!


點埋餐包咁食仲滋味~


萬眾期待!食甜品喇!間糖果屋好靚!好想一啖咬落去,可惜人哋寫住「只供觀賞」咋!XD


朗朗第一時間梗係去夾朱古力蛋糕啦!佢係名乎其實嘅朱古力怪嚟加嘛!


Wow...面層杰杰哋嘅朱古力醬配以下面嘅朱古力蛋糕+朱古力mousse,真係好「朱」呀!我都勁like~


士多啤梨撻,個撻整得夠鬆脆,配埋面頭啲鮮果同果jam咁食,口感冇得彈!


呢款同士多啤梨撻好似係同一類嘢,不過細件啲,啱晒怕肥但又貪吃嘅女仕們啦!


泡芙,一口一件,唔覺唔覺又食多咗幾件~>.<


聖誕曲奇餅,邊款啱你口味呢?


朱古力蛋糕仲有呢款喎!


堅果提子麥包,加少少裝飾就變得好有聖誕feel喇!


Lamington小蛋糕


呢款蛋糕啲nuts好足料!


聖誕樹幹蛋糕,又係朱古力味~ yummy! yummy!


仲有葡撻、鬆餅同waffle~


waffle有多款配料選擇~


加多球雪糕就perfect喇!yeah!!!


甜品款式仲未夠?雪櫃果度仲有呀!呢款白酒啫喱唔太甜,好好味!


鍾意黑定白朱古力?適隨尊便^^ 不過我就覺得較為甜咗啲~


嘩!見到已經好開心!啟動囉!


女孩子至愛甜食啦!


食得太飽喇!食番啲水果幫助消化先~


未夠飽?可以再整多碟漢堡拼薯條㗎!XD


中場休息玩下自拍先~


自助飲品有三款


不過以餐茶最為特別,凍檸蜜嘅蜜糖係原樽上㗎!特別好飲呀!


好豐富難忘嘅聖誕大餐,希望晴朗大個咗都會記得啦!


臨走一定要記得四圍影下,好鍾意聖誕樹下的全家幅呀!


酒店外都有啲聖誕佈置,晴晴似乎要帶晒成袋禮物番屋企喎!XD


食到飽晒,最好就係沿著尖東海旁行下。欣賞聖誕燈飾之餘,又可以減減個大肚腩~ wakakaa~~

喜來登嘅tea buffet真係唔錯喎!初頭仲以為tea純粹只係得啲小食,抱住冇咩期望,只係去食氣氛嘅心態,竟然有驚喜!呢度算係咩嘢都有啲,可以話係lunch或dinner buffet嘅簡略版本。如果想去感受一下氣氛,係幾抵食㗎!我哋結果飽到晚餐都食唔落喇!又慳番一餐~ 希望晴朗同我一樣,大個咗都仲會記得細個同過屋企人去食聖誕大餐啦!


 咖啡廳 The Cafe 
Tea Buffet
星期一至五 $218+10% (4-11歲小童半價)
星期六、日及公眾假期 $268+10% (4-11歲小童半價)
地址:尖沙咀彌敦道20號香港喜來登酒店2樓

電話:23691111

晴朗媽媽
靚太

Wong Nga Yi
Editor's Pick