Wasabi應該撈入豉油?教你食壽司正確方法! - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2017年08月14日
Wasabi應該撈入豉油?教你食壽司正確方法!
Wasabi應該撈入豉油?教你食壽司正確方法!

食壽司時,wasabi 應該撈入豉油,定係放喺壽司上面?呢個世紀討論,其實一早有解答。就等CLASSES教大家食壽司有咩「餐桌禮儀」啦!
 
大家咁鍾意食日本野,點可以唔知點食壽司?快啲學識食壽司嘅正確方法,出去食野保證唔會失禮~
 
連 KitKat 呢個朱古力大家族都出咗壽司!即睇:
創意料理定劣食?KitKat連壽司都出埋?!
 
好多日本壽司會喺魚同飯中間有 wasabi,不過唔係好似獎門人嘅辣辣芥末壽司咁放喺飯入面,而係放喺魚同飯嘅夾層中間。但普遍香港餐廳都係用咗日本新興嘅方法,將 wasabi 分開擺。呢個時候,到底 wasabi 應該點用呢?



首先,應該沾少少 wasabi 落壽司嘅魚生上面。然後將佢打側,再沾少少豉油,盡量沾喺魚生一邊。



最忌成舊飯點落豉油,好容易令啲飯散哂落豉油碟到,就算師傅捏壽司嘅功力幾好都冇用!食嘅時候,應該將魚生向下放入口中,咁樣先會食到魚嘅鮮味架!


 
除咗沾 wasabi 之外,食唔同壽司都要講次序架!以江户前壽司食法嚟講,應該由味道較淡既魚開始食先,咁樣濃味嘅魚就唔會蓋過淡味嘅魚啦。
 
最後,當你將筷子打橫放喺豉油碟上面,咁就代表你食飽飽啦!講起都心郁郁想食日本野,快啲約埋FD子一齊放開肚皮食壽司啦!

圖片來源:purewow、howto

相關文章:
 【香港好去處】超足料「口爆海膽波」 帶你玩盡港島西盡頭

EDITED BY CLASSES



新聞資訊