Sailor-Moon-玉桂狗都有登場！山下菓子超趣緻特色卡通甜品推介！ - 品味新聞 | CLASSES 香港學習資訊平台

四月係兒童月，但點止小朋友可以慶祝～鍾意卡通嘅你，一定要睇吓今次CLASSES嘅特色卡通甜品推介！山下菓子趁住Cinnamoroll 15週年，推出咗各款特色卡通造型甜品，除咗有主角玉桂狗，仲有其他Sanrio系列人物、寵物小精靈同埋Sailor Moon，咁多款應該點揀？等小編俾份覓食攻略你參詳參詳啦！
 
今年原來係萌爆嘅玉桂狗Cinnamoroll 15週年大日子，適逢4月兒童節，山下菓子同Sanrio合作於兩間期間限定店並推出一系列全新造型甜品，包括馬卡龍，冬甩，雪糕，冰之卷及乳酪脆脆朱古力等等等等……咁多款式實在花多眼亂啊！等小編帶大家睇吓邊幾款最靚靚最抵玩！
 
（一）鮮果卷


 
Roll Cake方面有啲係鮮果卷，有啲係冰卷，有齊各款卡通造型。如果大家鍾意Sailor Moon，小編會建議大家買件裝，只因件裝可以買齊每個角色！！


 

（二）乳酪脆脆朱古力




小編覺得乳酪脆脆朱古力係最抵買嘅，因為食哂啲脆脆仲可以KEEP住個罐！！而小編私評最靚係cute版little twin stars，啊～～～我要罐罐！
 
（三）Macaron
Macaron 一set 7件，件件都係唔同造型，小編覺得呢一round Sailor Moon只有衫仔帽仔有啲遜色，反而梳乎蛋啲樣夠哂懶又夠哂衰！好啦好啦，呢round 梳乎蛋完勝！




 
除咗食住呃Like，仲可以帶埋各種精品返屋企，而小編首推Tote Bag同陶瓷碟，Tote Bag簡簡單單唔會太花巧，拎出街唔會俾人覺得「童真過剩」！而陶瓷碟…仲洗講？因為肉桂狗超級可愛，軟綿綿好治癒啊～～～
 


 
襯住兒童節，俾自己童心一次，大人、細路、大細路都一齊GO GO GO！

山下菓子店舖地址：
荃灣荃灣廣場1樓1A號舖
馬鞍山新港城中心第四期2樓2040-2041號舖
將軍澳新都城中心2期1樓專櫃
尖沙咀K11 Market Place專櫃

相關文章：
Hea Hea廢之寶！超爽癮炸蝦睡袋

EDITED BY CLASSES