Pizza不是來自意大利-8大美食起源的謬誤 - 品味新聞 | CLASSES 香港學習資訊平台

世上美酒佳餚何其多，好野難免多人爭，所以要追溯某啲極受歡迎菜式嘅始源地都有啲難度。有好多時候，我哋會不自覺當咗某國最受歡迎嘅菜式係本國出品，但實情嘅來源地又未必真係佢，呢樣可能連啲國民都被騙埋，呃埋自己。荒謬嘢仲有一堆堆，有啲咩例子？不如我哋一齊黎解究下！

謬誤1：墨西哥炸玉米捲餅源自墨西哥

墨西哥炸玉米捲餅（Chimichanga）俾人第一個印象就係墨西哥菜，係就係，但係嚴格黎講佢其實係屬於「德州墨西哥菜」呢個範疇，亦即係代表起源地應該算係美國嘅亞利桑那州。


圖片來源：skiddle.com

謬誤2：薯條源自法國

我哋成日食嘅 French Fries 英文名雖然有個 “French”，但真係同法國無關。薯條實情係由比利時人發明架！相傳話比利時人平日都會拎啲魚仔去炸，咁岩果期冇晒魚，於是用薯仔切成條狀代替魚仔去炸，從此凡間就多咗樣神級美食。　


圖片來源：couponclippingcook.com

謬誤3：牛角包來自法國

去法國旅行，早餐食得最多嘅除咗法包之外，就係牛角包，但係牛角包嘅起源地其實係奧地利先岩，聽講係用黎紀念當年發生係維也納，奥斯曼土耳其帝國撤軍果次戰役，用埋人哋支國旗幟標誌嘅號角形狀 brainstorm 做咗個半月形叫 “kipferl” 嘅麵包出黎，之後呢款麵包就俾人改良，變咗做而家嘅牛角包（Croissant）喇！


圖片來源：SYNAPSA

謬誤4：意大利粉 x 肉丸來自意大利

唔好以為意大利粉同肉丸真係來自意大利呀，其實係北美果邊啲人帶過去意大利。仲有一樣好重要嘅就係意大利人會分開兩道菜黎食，意大利粉同肉丸係絕對唔會放係同一道菜式黎 serve 架！


圖片來源：spaghetti-sauce-recipe.net（Chris）

謬誤5：春卷來自中國

其實唔講唔知，平時成日係酒樓見到嘅春卷原來唔係 made in China 架！薄薄嘅麵團內塞滿生菜同蝦仔，然後拎去炸，咁香口嘅整法，聽落好西方，其實係移民咗去美國嘅華人諗出黎，用中國傳統美食 - 蛋卷「捲呀捲」嘅原理，迎合埋美國人鍾意嘅食煎炸野嘅口味，所以就生咗春卷呢樣野喇！


圖片來源：steamykitchen.com（Jaden）

謬誤6：薄餅（Pizza） 來自意大利

意大利人雖然有屬於佢哋自己風格嘅 Pizza，但其實發明 Pizza 嘅國家係美國！不過美國 Pizza 嘅風格超級唔同，一般都係用番茄醬調味，然後淋上一噸芝士同其他 toppings。而意大利嘅就精緻啲，唔會用番茄醬，但會係 Pizza 上面放上一片片新鮮蕃茄、香草同蔬菜，之後仲會灑上芝士同橄欖油，唔知你又 buy 邊款多啲呢？


圖片來源：golearnto.com（Larissa）

謬誤7：炸蟹角源自中國

外國人好鍾意食華人美食「雲吞」，但係炸蟹角呢款變奏版嘅炸雲吞就竟然唔係出自中國，反而都係美國佬嘅 idea。皮入面包住蟹肉同埋忌廉芝士，然後再炸埋，仲唔係老外最愛嘅重口味？不過希望佢用嘅係真蟹肉！


圖片來源：kraftrecipes.com

謬誤8：來自愛爾蘭的燉鹹牛肉白菜

雖然愛爾蘭人一到 St. Patrick’s Day (聖派翠克節) 就會食住燉鹹牛肉白菜黎慶祝，但係其實第一屆嘅St. Patrick’s Day 就係紐約市舉行嘅，呢道咁正嘅菜式係源自美國先岩吧！美國人通常用牛肉，但愛爾蘭人就比較鍾意用豬肉做呢道菜。


圖片來源：sheknows.com

延伸閱讀：
去韓國汗蒸幕首先你要知道的九件事
【世界街頭美食大全】

Edited by CLASSES