試玩報告Draw2可愛燈籠製作 - 品味新聞 | CLASSES 香港學習資訊平台

臨近中秋節，買燈籠買到悶，不如參加Draw 2 的燈籠設計工作坊，親自整自己最鍾意的卡通人物！除咗學到特別的整燈籠技巧，仲可以將佢變做檯燈架。

 
Draw 2 工作室 環境歡樂舒適


Draw 2 工作室位於創業街美亞工業大廈，地方雖小，但全場都佈滿了各種可愛燈籠以及公仔模型，於這個充滿創意藝術的環境下做手工，確實很舒適！
 
燈籠製作考功夫製作時間最少要4－5小時



燈籠看似做法簡單，但其實需要時間頗長，細size的燈籠也需要4－5小時去完成。功夫在於如何用藤組成一個個藤圈，再把一個個藤圈整成燈籠模，然後續張續張棉紙圍住燈籠模包住，唔可以成張紙一次過包住，要幾格幾格咁包，防止會有凸出來的地方和摺痕。這個部分最考功夫同最花得多時間。
 
製作材料

 
-藤
用藤制作一個個圈，然後整一個球體出來，最基本每個球體都需要9個圈圈。
-皺紋膠紙
-鉗
-白膠漿
-棉紙:包燈籠球體（以前用過雪梨紙，但較為易爛。）
-EVA 海綿紙 : 身，手腳額外的裝飾，例如帽子等等。
-枱腳膠:手手腳腳
-LED 燈(檯燈造型)
-燈籠手柄(燈籠造型)


手工很仔細，有啲甚至可以郁動！好似精靈球咁就可以開關。

 
邪留丸王子單單用藤圈整個外膜就需要4小時。

 
Olaf 變了led 燈亦很吸引，裡面還可以放不同顏色的led燈！
 

連這個鹿造型的牆燈也是Draw2 創辦人親手做的。
 
工作坊資料
Draw2 創辦人Mo，為人健談同好nice，佢會終身保養你個燈籠，爛咗可以免費幫你補番！Mo 志在在製作燈籠的過程中帶俾大家歡樂，讓大家在過程中享受喜悅以及滿足感。詳情可睇番：http://www.classes.com.hk/workshop/Draw2
 
2016燈籠班現正接受報名！詳情請參考Draw 2 Facebook  page : https://www.facebook.com/draw2.studio
 
CLASSES 有不同類型的工作坊，想知哪個好玩又適合自己，可以睇吓小編的試玩報告！