蝸居不等於無設計空間！教你設計慳位家居妙法！ - 品味新聞 | CLASSES 香港學習資訊平台

香港地寸金尺土，空間實在太貴！之但係蝸居唔代表冇設計空間，難得有一個安樂窩，點可以求其有張床就算？一於由CLASSES授予大家設計家居妙法，教吓點樣慳盡每一寸。
 
1.  慎選梳化類型



梳化大大張最阻定，好多人都唔敢買梳化入屋。其實未必！依家好多梳化已經進化到可以組裝，唔係梳化床咁簡單，而係千變萬化嘅組合。小編更加推薦大家買一啲有貯物空間嘅梳化，將換季衫扔哂入去，慳位冇難度！小編發現 IKEA 最新推出嘅 VIMLE 梳化系列，可以任意配搭梳化組合，由經典式雙人梳化到開放式 U 型梳化，而貯物空間就收埋喺躺椅位同椅凳，非常 good fit！仲有得揀唔同布套，當你想改變屋企風格時，梳化就依然百看不厭啦！
 
2.  善用入牆櫃＆掛牆櫃



好好彩，小編屋企裝到入牆櫃，將貯物櫃置入牆壁入面，空間感即時大增！可惜未必家家戶戶都適合裝入牆櫃，咁只好用掛牆櫃代揩。掛牆櫃適合擺啲裝飾類物件，但唔適合去堆積法放置雜物，最好以簡約為旨，每個櫃擺2-3樣飾物以為足夠。
 
3.  切錯過電視機附近空間



如果你用掛牆式電視機，最好唔好只掛電視機，配合埋1-2個掛牆櫃，或者掛1幅掛畫，設計感將會大大增加！
 
如果你用坐檯式電視機，記得要將電視機附近嘅位置打理整齊，例如搖控器要設定擺放位置；雜亂電線一定要收好，咁先可以騰出額外空間！提提你，電視機附近空間要擺放靜止物件，千其唔好擺隻郁嚟郁去嘅太陽能搖擺公仔，以免一路睇電視，眼尾一直有野郁郁吓，睇到眼花啦！

相關文章：
買傢俬必備！「HOMEY」助你挑選合適佈置
 

EDITED BY CLASSES