留不住倒數後的反高潮 (下) - 品味新聞 | CLASSES 香港學習資訊平台

如果你每年都會出街倒數嘅話，安坐家中篇所講嘅就未必啱用。咁就要學下小編嘅4大奇招！

人多擠逼篇

奇招1：望住鏡頭笑
還記得那些年你倒數10嘅時候，係你身邊嘅陌生人係點嘅樣呢？為左記念今年同你一齊跨過一生一世 (2013,2014年) 嘅陌生人，不如鼓起勇氣，同你身邊嘅她他它影返張合照啦！識左新朋友，仲怕咩悶！
 
奇招2：北上鬆一鬆
此奇招使出之前先要確定同行朋友有冇隨身帶備回鄉証。而家北上嘅通宵火車方便快捷，第二日又係假期，倒數完即興同三五知己上去按摩食宵夜都唔錯！
 
奇招3：訂好枱直落下場
除夕夜人山人海，倒數完想同朋友舒舒服服坐低傾下計，唔少樓上 cafe 都開到凌晨兩三點，而家快手 book 定，有場就玩乜都得啦！
 
奇招4：露天 party 好 easy
冇訂枱嘅朋友都唔使頭痕，小編建議可以殺入就近嘅24小時超市，買一堆飲品食物，同朋友一齊行去附近公園或者海皮，即刻嚟個露天 party 完全無難度！
 
以上法寶奇招請只使用於緊急情況，如遇第二年無貨，各位 Classmates 後果自負！

留不住倒數後的反高潮 (上)

Edited by CLASSES