留不住倒數後的反高潮 (上) - 品味新聞 | CLASSES 香港學習資訊平台

經過幾日前一連串聖誕 party 嘅洗禮，唔知大家有冇留前鬥後，準備迎接又一輪嘅除夕慶祝活動呢？三五成群去到人多擠逼嘅地方倒數已經係年青人鐵一不二嘅節目，但相信唔少人都經歷過倒數完過後嘅冷場，一大班人你眼望我眼，無嘢好做，尤如照頭淋左一盤冷水。小編絞盡腦汁，為左令自己的除夕夜過得唔好太尷尬，於是精心整理左一系列反高潮嘅攝時間活動。
 
安坐家中篇
 
如果你係 house party 嘅主人家，想朋友們倒數完仲有賓至如歸嘅感覺，就應該提前準備一堆秘密武器，嚟應付反高潮一刻！
 
武器1：麻雀枱 (當然包括麻雀啦！)
要同朋友增進友誼最好就莫過於一齊切磋國粹，係呢個四方城入面上下，碰下，好快就天光，大家滿載而歸咁搭車返歸！
 
武器2：下載定好玩手機 apps
麻雀就得四個人打，咁其他人就可以玩你一早已經搜集左，最新奇，最無聊，但又最可以解悶嘅手機程式啦！好似 King of Opera，拍拍機呢啲，玩到大家又叫又跳，就唔怕悶親大家啦！
 
武器3：用啤酒塞爆個雪櫃
切記！呢啲酒一定要倒數完先可以拎出嚟開心 share！最能帶動氣氛一定係同朋友乾杯！將生活嘅煩惱拋諸腦後，仲可以慳返係街飲嘢嘅昂貴酒錢，嚟一個不醉無歸！
 
武器4：Board Game 隨時玩
點樣可以打破最強嘅反高潮？就係將遊戲嘅趣味推到最高點！玩 Board Game 嘅同時不防係坊間買一啲懲罰套裝，花樣多多，刺激搞笑，啱哂一班鍾意將快樂建築係人地痛苦身上嘅損友喇！
 
當然，朋友們都可以帶唔同嘅玩意同飲品上去踩場，一樣開心！
 
如果你係鍾意出街倒數嘅好動一族，可以繼續參考「人多擠逼篇」。

留不住倒數後的反高潮 (下)

Edited by CLASSES