生日Party必備？？竟然可以用印尼撈麵整蛋糕！？ - 品味新聞 | CLASSES 香港學習資訊平台

營多麼需要你～～印尼撈麵大家都食過，咁印尼撈麵蛋糕你又試過未？！你冇聽錯，係撈麵整嘅生日蛋糕呀！睇落仲有好多奇怪配料，嚇你一大跳，快啲睇吓搞邊科！



營多曾經上榜過最受歡迎即食麵榜架！證明佢幾受人喜愛～～咩話！你仲未睇今年全球十大最好味即食麵排行榜？！快啲Click入去睇吓戰果～
重溫：2017全球十大最好味即食麵！香港出前一丁第1次上榜！

一間位於Kelapa Gading嘅餐廳大搞創意，用印尼最愛歡迎嘅撈麵Mi Goreng（即係營多呀！）整生日蛋糕，餐廳其中一個負責人William Sudhana霸氣講句：「生日蛋糕一定要甜架咩？我哋整鹹味喎！」



呢個撈麵蛋糕好唔簡單，仲會配埋勁重手嘅芝士碎、鹹牛肉、雞絲……媽呀！仲有墨魚同肉丸，好似食緊IKEA咁呀！William將佢命名為「TOT Cake」，餅底有18cm咁大件，要用10幾包撈麵整架！喂喂，睇錯好黑暗料理喎......
 
近排仲出咗新款添！呃……我諗放喺上面嘅係紅腸之類？



講到呢句，到底大家係流哂口水定係反哂胃呢？
 
如果你有流口水，咁就自己上IG搵TOT.AW睇吓點預訂啦～後果自負呀吓！（逃）
 
圖片來源：tot.aw@IG
 
相關文章：
日本新出朱古力味炒麵？實試朱古力味濃還是伏味濃！
2017台灣牛肉麵節又到啦！同場仲有蘇打綠小威個人攝影展！
 

EDITED BY CLASSES