暖男必做！4個同女仔食飯時加分位！
女生們，個個都想有個暖男男友，而食飯既時間係最能夠顯示出男生有幾「暖」呢一面！小編就綜合左4個食飯時嘅加分位，睇下你男朋友做唔做到啦！
1. 拎定紙巾
呢個動作雖然好似好細微，但其實係唔少女生嘅重點加分項目，因為食到個咀污糟哂都隨手有得用，咁女朋友就唔駛做污咀狗啦！如果男生將一張紙巾撕開兩張，仲加多兩分環保分！
2. 幫女生按住頭髮
無論長髮定短髮，女生食麵烏低頭嗰陣，就算將頭髮翹咗去耳仔後，但唔多唔少啲頭髮都會浸到湯或者掂到個咀，喺呢個咁狼狽嘅時刻，男生幫佢按住頭髮呢個舉動真係超細心呀！
.jpg)
3. 幫手將食物切到一小件
除左扒類，有時餐廳都會有啲大大件嘅食物，唔切就食嘅話又顯得好冇儀態，但有時啲嘢食又好難切，呢個時候男生先將食物切好，再一齊食就顯得超體貼啦！
.jpg)
4. 處理難搞食物
海鮮真係好好食！但蝦蟹嗰類要剝殼好煩之餘又拮到手，就即刻冇左食慾！如果男生可以處理到就好啦！等小編教你一個剝瀨尿蝦大法啦！
首先將瀨尿蝦反轉，然後拎筷子由蝦嘅尾部插入，一直穿到去頭部
然後向上一撬，蝦殼就會脫落，蝦肉仲好完整添！連呢個技巧都識嘅男生，一定加爆分呀！
.jpg)
.jpg)
女生們，快啲叫男朋友學下啦，睇下其實暖男唔難做，大家都可以有個暖男男友啦！
圖片來源：lisovskaya
相關文章：
俾高價但食A貨海膽？教你分辨海膽海刺大不同！
週年紀念必送自選相片變成夢幻小枱燈
EDITED BY CLASSES
Copyright © 2023 CLASSES Hong Kong Limited. 版權所有 不得轉載