提升正能量之物-睇得又用得嘅能量塔 - 品味新聞 | CLASSES 香港學習資訊平台

負能量爆到一個點？當心靈上嘅吸引力法則 (law of attraction) 都幫唔到你嘅時候，不仿務實啲咁輕輕鬆鬆自家製一啲靚野調整下心情！可能你會話男人之家整呢啲好唔 man，但係如果係能量塔嘅話，相信大家都唔會抗拒！事關小編男朋友天生大男人，平時絕對唔鍾意做埋啲女人野，但係對於能量塔，佢就真係欲罷不能，整完一個又一個，除咗整俾小編之外，佢自己仲整咗 N 個俾自己。究竟佢有咩魔力，令人如此著迷呢？就等小編話過你知，話唔定又再成功荼毒多一個你…

影片來源：RADIOMYSTERIUM (Youtube)

能量塔 (Orgone Energy Pyramid) 其實喺早大概七十幾年前被一位奧地利博士威廉•賴希發現，佢認為 Orgone，亦即乙太能量或生命能轉化器（中文譯法），係一種代表生命嘅自然能量，可以睇得到、測量同應用到嘅能量，呈現藍色，可以用科學儀器嚟測量。論外觀上同功用上都同水晶有啲相似，水晶一般都只係用嚟提升氣場同正能量，但就做唔到轉移負能量呢個效果，而能量塔就正正可以將負能量轉化，唔需要任何叉電或者淨化（乙太能量本身已有淨化功效）都可以源源不絕咁轉換能量，同埋平衡環境上嘅空間能量。事關能量係有正負面，環境上具有有害嘅能量係在所難免嘅事。乙太能量有強身健體嘅功效，令身心內外都得以淨化，對於情緒、疾病、創傷都可以有明顯嘅療效，甚至可以防輻射，降低電磁波對人體嘅影響。

係真唔係？其實真係唔係得個吹字架，喺 1986 年，德國馬爾堡大學有研究證實咗能量塔係絕對可以轉化負能量，佢哋進行咗 30 分鐘嘅 Orgone 轉化器療癒嘅實驗，發現的而且確能夠為人類身心產生持續積極同正面嘅效果。

其實某程度上，原理就等同你喺 Office 放啲植物一樣，不過能量塔就靚好多，而且唔洗淋水打理。聽講唔同顏色嘅石有唔同功效，就好似水晶一樣。做法會係將金屬 （有機嘅玻璃纖維同無機嘅鋼絲絨），按需要咁加啲能量石堆埋一齊，發輝小宇宙，輕輕裝飾一下，然加埋啲膠倒入個模度，然後等佢定咗型之後打磨一下就得架！佢有幾靚？一齊睇下其他人嘅製成品…


圖片來源：王姬





圖片來源：spiritualove.hk


圖片來源: hiroko721


圖片來源：nana_handmake_garden



圖片來源：pinterest.com

仲可以做埋頸鏈添…


圖片來源：orgonite_dream (instagram)



圖片來源：spiritualove.hk (Instagram)

小編男朋友其中一個製成品...對於一個唔係讀 art 而且好少 handmake 嘅新手嚟講，其實整得好靚架喇！



延伸閱讀：
【打工仔注意】散水餅必買推介
【香港好去處】尖沙咀10大必試新餐廳

Edited by CLASSES