必試特色雪糕!懷舊利園雪糕節重點推介! - 品味新聞 | CLASSES 香港學習資訊平台

CLASSES - Release Your Potential
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2017年07月27日
必試特色雪糕!懷舊利園雪糕節重點推介!
必試特色雪糕!懷舊利園雪糕節重點推介!

夏天想消暑解渴,又點少得極受大眾觀迎嘅雪糕呢?咁屬於老香港嘅獨特雪糕味,大家又有冇試過?等小編為大家介紹最具本土特色嘅夏日懷舊派對「利園雪糕節」,俾大家重執老香港嘅味道!



「利園雪糕節」主要係想大家放慢腳步,了解香港繁華背後嘅濃厚人情味,讓市民重拾雪糕嘅記憶拼圖,讓遊客細味老香港嘅味道!「利園雪糕節」於2017年7月29日 (六)至 7月30日(日)舉行,為期只有兩天,迅速行動!



雪糕節內容豐富,首先當然唔少得放開懷抱食雪糕!雪糕節有六大牌子主理嘅特色雪糕,再加甜品攤位,俾咁多位雪糕控盡情食個痛快!各款雪糕包括:Seasons by Olivier E. 提供嘅懷舊雪糕甜品、NICE POPS提供以「美樂士多紙袋」裝傳統綠寳橙汁雪條、GROM嘅Pastiera Napoletana口味雪糕、XTC Gelato研發嘅細膩港式冰室口味雪糕、tea-ed TEA茶作嘅主打一系列中式茶味雪糕,最後當然唔少得香港百年老字號Yan Chim Kee甄沾記充滿本土古早味嘅甜品啦!如果你未試過舊日嘅茶樓、冰室、士多及雪糕車嘅味道,或者好掛住舊香港滋味,咁就絕對唔可以錯過啦!



除咗食食食,仲有充滿懷舊色彩嘅順記新地手作坊攤位,大家可以親手製作以雪糕為造型嘅天然護膚品,同埋以雪條為造型嘅香氛油手工皂。如果冇信心整得靚靚,亦可以直接購買架!了解舊香港嘅傳統手藝之餘,仲可以將兒時最愛嘅傳統雪糕雪條換個方式保存落嚟,都幾過癮!



現場仲有本地音樂新勢力加盟,變身懷舊音樂節!6隊樂隊會表演經典名曲,保證讓大家聽出耳油,一起回到六、七十年代嘅舊日,重溫復刻回憶。演出團體包括:Scarlet Bros (獨立流行)、Perry & Loka (爵士/流行)、Musical Kidz (兒童音樂)、SoulPros (流行/搖滾)、Acoufunkture (放克)、Farley’s Angels (原聲流行樂/放克騷靈)。


 
趁住假日,快啲約埋朋友去感受一吓難得一遇嘅舊香港氣息啦!

「利園雪糕節」活動詳情

日期:  2017年7月29日 至 7月30日(星期六至星期日)
時間:  上午11時至下午7時
地點:  銅鑼灣利園一期私家路(希慎道33號)
入場費用:全免
 
相關文章:
 紋身不等於暴力不良!2017紋身展重點推介!
愛貓者注意!好多萌貓呀!超可愛「貓咪休息寫真展」

EDITED BY CLASSES



新聞資訊