工廠磚瓦中的綠原小花 - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2015年07月10日
工廠磚瓦中的綠原小花
工廠磚瓦中的綠原小花

  我們在城市中呼吸,呼著壓力,吸著自由,有人嚮往大自然的閒適,然而陽光照射不到的工廠大廈,小生命正堅韌地綻放色彩。
 
M Flower是甚麼?

  Coconut Lifestyle Store 位於觀塘的工廠大廈,店主 Elaine 於英國大學畢業,一次機緣下接觸到 M Flower(巴塔哥尼亞千日紅),更將它帶回香港。及後,靈機一動,她便萌生了創業念頭。M Flower 巴塔哥尼亞千日紅來自南美一帶的乾旱地區,一個月只需噴水兩三次,又不需陽光直接照射,照顧得宜,壽命可長達10年;當花遇上潮濕空氣或花朵被水沾濕,花苞會合上,待乾燥後就會再次盛開,花朵亦沒有味道,不會滋生蚊蟲。「M FLOWER 喺我地自創嘅名,其實無乜特別意思㗎,有人覺得係 Mini、Magic 甚至 Money!」原來一個名字也可以令人有想像的空間,就如人也有無限的潛能。  


 
手作人的故事 ── 創業只因兩個字

  Elaine 原本從事電訊業,剛升職不久便決意辭職創業,問她為什麼如此有決心?她說只因二字──「衝動」。她當時剛升職,又得到獎項,覺得該工作賺錢輕鬆,於是有錢就想闖闖,而且男朋友都創了業,在他的「唆擺」下,都開始想自己做生意,成立 Coconut Lifestyle Store,回想起都是一時衝動。Elaine 一邊修剪小花,一邊分享她的創業之路。

  「錢嘅壓力好大,因為你返工,個個月都有糧出,但自己生意就唔一定。以前我一年去三四次旅行,宜家搞生意根本唔敢用錢,兩年幾嚟,淨係去咗一次日本交流咋。」Elaine 在 2014 年獲得「青年廣場手作大使」總冠軍,於翌年到日本參加 Design Festa 作交流,致力推廣綠色生活及打造小花園,看來她的付出和衝動,引發了她的潛能。


 
盆栽裡種出笑容

  Elaine 認為有人覺得手作是廉價的工藝,但這對手作人很不公平:「有人會覺得手作嘅作品係平啲,因為自己整,材料實平好多。其實整一個盆栽都好花時間,由搵料、入貨、設計、製作,其實需要嘅時間同心機都唔少,但有人係唔明白。」不過,幸好現在有不少欣賞手作人的知音人出現。「有學生會買嘢上嚟畀我食,有唔少都係手作人,專登嚟呢區上堂;都有情侶一齊上嚟整,整完就送畀對方,但就覺得自己整嘅靚過對方,唔想送俾人,好搞笑!」
 
  Elaine 表示,工作坊帶來的喜悅很大,「有公司會包團一齊整,好熱鬧好嘈,但其實整嗰陣要冷靜啲,細心啲整先會靚,所以通常都係男學員整得靚啲,因為佢地真係會好冷靜去整,相對女仔多嘢講,就可能會整斷啲花。最搞笑係啲男仔話整畀媽咪,但佢嘅同事就會話一定係整畀女朋友,好好笑。」Elaine 的盆景手作不但為城市人帶來了歇息的時間,也呼喚出心底裡簡單的快樂。


 

工作坊資料

  其實 Coconut Lifestyle Store 除了天使花瓶工作坊,還有很可愛的幸福小蛋和典雅的M Flower 項鍊可以製作,快點按入 Coconut Lifestyle Store 一齊報名啦!如果你對製作 Elaine 的手作製品有興趣,又想知多啲,可以睇吓小編嘅試玩報告:天使花瓶工作坊試玩報告

Edited by CLASSES



新聞資訊