將沉悶瓦解噴漆重構人生 - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2015年08月07日
將沉悶瓦解 噴漆重構人生
將沉悶瓦解 噴漆重構人生

  你是保守派還是創新派?生活被強權侵佔,在沉悶的空間中,有人瓦解了統一和簡潔,不認命地以噴漆、畫布重構人生。
 
本科畢業只能做相關工作?

  Kate 畢業於香港城市大學傳理系,及後於本地廣告公司工作。她明言,放棄工作去創業是堅決的選擇。於2012年,她開設 POPduction 工作室,其後於本地畫廊負責策劃、宣傳展覽等工作。從來沒有修讀過藝術相關課程的 Kate ,當初是如何無師自通地創作顏色搶眼的 POP-ART 人像噴畫呢?Kate 表示:「街上嗰啲通渠佬嘅電話都喺用呢啲技術架,我將佢分幾個層次咁設計。」
 
  POP-ART 即是普普藝術,其主張推翻抽象的藝術,打破舊有保守的文化,轉向以符號,商標等具象的大眾文化作為主題。普普藝術反抗了權威,是低層藝術市場的表現,最常見的技巧應用可見於大量複製印刷、拼貼;而為人所知的藝術家 Andy Warhol 創作的金寶濃湯、瑪麗蓮夢露等都非常出名,而 POPduction 的噴畫正正運用了其藝術效果。

  
圖片來源:網上圖片

  「畢業之後,我就喺廣告公司做,但真係太辛苦,每日都做到凌晨。於是,我反思,點解我要幫人打工咁辛苦,我想做一啲自己想做嘅嘢。你諗下,大學生畢業後,出嚟做生做死都得一萬蚊頭,所以嗰時都幾堅決離職。」然而,她的創業路非一帆風順。創業首半年,生意冷清,可謂是零收入:「因為噴畫呢樣嘢係無人識架嘛,你要放上市場,等啲人去消化;加上,當時目標客人唔清晰,呢樣都要慢慢摸索。」
 
  經過半年低收入的日子後,她決定再次打工,兼職做 POPduction ,正職在畫廊做公關工作,這反而令 POPduction 的生意愈來愈好,她便決定再次全職投入 POPduction ,更開設手作噴漆畫工作坊。事實證明,突破自己,找尋新的空間,可能是更好的選擇。



「啲人都覺得賺唔到錢」
 
  年輕人要創業,總會聽到冷言冷語,被人打擊。常人總認為打工才夠穩定,最好有政府工,鐵飯碗便更安心!不過,也總有人不怕挑戰,想突破自己,改變現狀,為理想而改變固有的模式。「屋企人會反對,覺得你貿貿然出嚟創業,唔知做乜嘢,尤其是藝術呢樣嘢,啲人總覺得賺唔到錢。朋友都係打工,唔明我嘅決定,一直都係靠自己堅持。」
 
  果然,在她的堅持下,POPduction 的生意愈來愈多,慢慢進入佳境,Kate 笑說:「我可以將 POP ART 帶到畀大家,同時又可以維持到生計,我覺得係雙贏。」



無動過手嘅學員?
 
  不少人會將人像噴畫當作禮物,送予愛人,POPduction 除了可直接訂造,更特別的是設有工作坊,讓學員親手噴畫傳意,但 Kate 卻說有人上工作坊卻「沒有動手」!「試過有兩個女仔,上嚟開始界嗰陣,淨係界第一張最簡單嘅時候,就問『其實可唔可以訂造架?』,我話『可以啊!』,佢地就執嘢走去食飯,叫我幫佢整,原來佢地唔知可以訂造。」
 
  除了「沒有動手」的學員,也有「動了一點手」的女生!她說:「又有啲諗住上嚟影個過程,只係想影佢有參與,之後就叫我幫佢整;可能係送畀男朋友,等男朋友知佢有整,又唔想動手整。」但這些只是個別例子,有心學的人比比皆是。Kate  說,不少人在完成後都很有成功感,因為他們自覺沒有藝術天分,但最後竟然可以完成一幅畫。其實,無論是訂造或是自己親手製作,都是希望收禮物的人感受到自己傳遞這份藝術品的心意。

工作坊資料
  
  POPduction 嘅人像噴畫設計特別,又能傳遞心思,如果你對人像噴畫有興趣,又想知多啲,可以睇吓小編嘅試玩報告:人像噴畫工作坊試玩報告!想馬上報名就去 POPduction 登記啦! 

Edited by CLASSES



新聞資訊