【吉野家以外好推介】由平至貴試盡3間高質一人一鍋
今個冬天時凍時熱，凍起上嚟真係可以語無倫次咁唱一句「我是一個西伯利亞人…冬天的冠軍…」此時此刻嘅解藥必定係暖入心臟嘅窩心邊爐，又怕感染「西伯利亞病毒」，咁就唯有分爐，「一人一鍋」真係幫到你！講起一人一鍋，大家第一時間實係諗起最親民而且又乜都有嘅吉野家，又或者係大家樂、美心 MX，雖然話就話平野都有好野，但唔多囉！如果你係一個有要求嘅人，不仿試下下面呢幾間。（已經由平至貴咁排列好晒，會易啲接受！）
1. $148 無限任食性價比高牛肉火鍋放題：小寶哥一人小鍋
位於舊工廠區新蒲崗嘅呢間牛肉火鍋店「小寶哥」，主打一人一鍋打邊爐，湯底絕對唔馬虎，用咗超過十款藥材香料熬成，而且有十款俾你揀，每款價錢由 $15 至 $25 不等，最值得試嘅有蕃茄牛尾、椰子雞湯、猴頭菇、鯊魚骨湯等等。除咗有肥瘦適中唔會成舊肥膏嘅肥牛片，另外有超過 70 款火鍋配料任選，如：豬肉片、手打魚餃、招牌蝦丸、鮮雞腸、豬紅、豬皮、雲吞等，仲有埋出面較少見嘅豬肺、黃沙豬潤、糖心皮蛋添。加錢仲可以食埋佢哋好出名嘅封門柳、雪花肥牛、珊瑚蚌、日本清水生蠔等。質素仲好有保證，絕對比起一般酒樓高班。更值得一讚嘅係 order 紙上寫嘅份量真係會照出到足，唔會欺騙消費者感情。火鍋店仲設置咗一個自助區，放咗好多菜、牛柏葉、腸仔等配料，仲有一個自助醬料吧有齊晒所有辣椒、蒜蓉、蔥花、沙茶醬、豉油麻醬任君選擇，性價比今次仲唔高過吉野家？
圖片來源：lkhleanne（Open Rice）
小寶哥一人小鍋
地址：新蒲崗衍慶街2-32號新蒲崗大廈地下10-12號舖
營業時間：11:00-02:00（星期一至日）
任食時間：1小時45分鐘
價錢：$148 / 人
2. 明星至愛的台風一人一鍋：一鍋 - 台日式精緻小火鍋專門店
有男神王宗堯去嘅地方又點會差得去邊！其實唔只王宗堯，仲有好多明星、知名藝員，甚至連估你唔到嘅視帝黃秋生前排都有去呢間位於天后琉璃街嘅台日式火鍋店。點解咁星光熠熠？其實因為唱「絕」果位傅佩嘉就係呢度嘅老闆娘。「一鍋」嘅湯底花款多多，每款經過精心製作，火鍋配料全由台灣直送，所以極具台灣風味。最近人氣最強嘅有加咗珍珠米同豬骨熬成嘅足料香濃養生 3.6 北海道牛奶鍋，真係夠晒健康養顏，老少皆宜。其次仲有台式麻辣湯底、養身蕃茄鍋、日本壽喜燒鍋等，肉類選擇多多，由美國雪花肥牛到貴價澳洲 M7 和牛都有，至於豬類，小編會推介松板豬肉，肉質好爽唔會過肥，另外日本黑豚梅花肉都好嫩滑好咬口，值得一試。全部用料上乘，大家睇餸食飯啦！加多幾百蚊仲可以食埋「二人同行」嘅龍蝦或者松葉蟹餐，聽講極度鮮甜彈牙呀，而且大大隻，個鍋真係差啲唔夠位放！另外小店除咗提供其他地道台式包心丸外，亦設有一個任食嘅半自助位置擺放三十多款菇菌、菜、丸、餃、粉麵類，仲有玻璃樽裝汽水，等大家可以任食任飲過夠，打完邊爐仲可以免費食番杯 Häagen-Dazs，單係呢樣吉野家邊俾到你架？
圖片來源：一鍋 iPot - 台日式精緻小火鍋專門店（Facebook 專頁）
.jpg)
圖片來源：Food Port（Open Rice）
一鍋 - 台日式精緻小火鍋專門店
地址：天后琉璃街11號地下
營業時間：12:00-15:00、18:00-00:00（星期一至日）
價錢：約 $ 250 / 人（龍蝦2人餐：約$668）
3. 品質取勝豪華日式 Shabu Shabu：勝手
貴就一定係貴架喇！但靚爆 A5 和牛，肥美海鮮，你唔係唔食呀？以下落嚟嘅超級豪華版「吉野『鍋』」就真係夠晒高質，首先，佢有 4 款火鍋 set（A5 和牛、黑豚肉眼、海鮮＆宮崎雞腿肉）；湯底有昆布鰹魚、立魚、壽喜燒同埋泡菜任你揀。和牛係由日本鹿兒島直送嘅 A5 和牛，油脂分佈均勻，放湯入面滾幾下就好快熟，入口即溶，如果食牛唔想食到滯，揀壽喜燒湯底就最 match，夠晒鮮甜。黑豚肉份量多多，每塊切得薄薄哋方便吸收湯底味道，望落最抵食。毛澤粉嫩新鮮，唔肥唔瘦啱啱好，食起上嚟好嫩滑唔鞋口。如果揀海鮮餐就更加有驚喜，因為除咗有基本海鮮類，如：虎蝦、生蠔之外，仲有埋日本直送刺身品質嘅帶子同埋一大隻新鮮鮑魚，全部都好新鮮，放入湯滾幾下就食得。每個跟 set 附送嘅其他配料完全都洗得乾乾淨淨，而且大大份，有齊豆腐、冬菇、金菇、紅蘿蔔、芽菜、椰菜、皇帝菜、娃娃菜等，夠晒健康，食多多都唔怕消化不良啦！除咗呢啲之外，呢個餐仲包埋前菜、麵豉湯同埋打完邊爐一定要落埋嘅「主食」（有稻庭烏冬，飯、葛絲等你任揀其一）吸晒湯入面嘅精華嚟食，對住咁優質嘅食材，識食一定係咁食。座位有限，貴精不貴多，大家記得 book 位去試下喇！
圖片來源：charkhk
圖片來源：Silvia To
圖片來源：wabb0306
勝手
地址：銅鑼灣百德新街55號華納大廈地下E號舖
營業時間：12:00-15:00、18:00-23:00（星期一至日）
價錢：$610（和牛套餐150g）/ $420（黑豚肉套餐180g）/ $400（宮崎雞腿肉套餐）/ $498（海鮮套餐）
延伸閱讀：
【香港好去處】慈雲山小食館以外的街坊美食
【香港好去處：走遍荃灣尋覓8大特色美食】齊齊食好西！
1. $148 無限任食性價比高牛肉火鍋放題：小寶哥一人小鍋
位於舊工廠區新蒲崗嘅呢間牛肉火鍋店「小寶哥」，主打一人一鍋打邊爐，湯底絕對唔馬虎，用咗超過十款藥材香料熬成，而且有十款俾你揀，每款價錢由 $15 至 $25 不等，最值得試嘅有蕃茄牛尾、椰子雞湯、猴頭菇、鯊魚骨湯等等。除咗有肥瘦適中唔會成舊肥膏嘅肥牛片，另外有超過 70 款火鍋配料任選，如：豬肉片、手打魚餃、招牌蝦丸、鮮雞腸、豬紅、豬皮、雲吞等，仲有埋出面較少見嘅豬肺、黃沙豬潤、糖心皮蛋添。加錢仲可以食埋佢哋好出名嘅封門柳、雪花肥牛、珊瑚蚌、日本清水生蠔等。質素仲好有保證，絕對比起一般酒樓高班。更值得一讚嘅係 order 紙上寫嘅份量真係會照出到足，唔會欺騙消費者感情。火鍋店仲設置咗一個自助區，放咗好多菜、牛柏葉、腸仔等配料，仲有一個自助醬料吧有齊晒所有辣椒、蒜蓉、蔥花、沙茶醬、豉油麻醬任君選擇，性價比今次仲唔高過吉野家？
圖片來源：lkhleanne（Open Rice）
小寶哥一人小鍋
地址：新蒲崗衍慶街2-32號新蒲崗大廈地下10-12號舖
營業時間：11:00-02:00（星期一至日）
任食時間：1小時45分鐘
價錢：$148 / 人
2. 明星至愛的台風一人一鍋：一鍋 - 台日式精緻小火鍋專門店
有男神王宗堯去嘅地方又點會差得去邊！其實唔只王宗堯，仲有好多明星、知名藝員，甚至連估你唔到嘅視帝黃秋生前排都有去呢間位於天后琉璃街嘅台日式火鍋店。點解咁星光熠熠？其實因為唱「絕」果位傅佩嘉就係呢度嘅老闆娘。「一鍋」嘅湯底花款多多，每款經過精心製作，火鍋配料全由台灣直送，所以極具台灣風味。最近人氣最強嘅有加咗珍珠米同豬骨熬成嘅足料香濃養生 3.6 北海道牛奶鍋，真係夠晒健康養顏，老少皆宜。其次仲有台式麻辣湯底、養身蕃茄鍋、日本壽喜燒鍋等，肉類選擇多多，由美國雪花肥牛到貴價澳洲 M7 和牛都有，至於豬類，小編會推介松板豬肉，肉質好爽唔會過肥，另外日本黑豚梅花肉都好嫩滑好咬口，值得一試。全部用料上乘，大家睇餸食飯啦！加多幾百蚊仲可以食埋「二人同行」嘅龍蝦或者松葉蟹餐，聽講極度鮮甜彈牙呀，而且大大隻，個鍋真係差啲唔夠位放！另外小店除咗提供其他地道台式包心丸外，亦設有一個任食嘅半自助位置擺放三十多款菇菌、菜、丸、餃、粉麵類，仲有玻璃樽裝汽水，等大家可以任食任飲過夠，打完邊爐仲可以免費食番杯 Häagen-Dazs，單係呢樣吉野家邊俾到你架？
圖片來源：一鍋 iPot - 台日式精緻小火鍋專門店（Facebook 專頁）
圖片來源：Food Port（Open Rice）
一鍋 - 台日式精緻小火鍋專門店
地址：天后琉璃街11號地下
營業時間：12:00-15:00、18:00-00:00（星期一至日）
價錢：約 $ 250 / 人（龍蝦2人餐：約$668）
3. 品質取勝豪華日式 Shabu Shabu：勝手
貴就一定係貴架喇！但靚爆 A5 和牛，肥美海鮮，你唔係唔食呀？以下落嚟嘅超級豪華版「吉野『鍋』」就真係夠晒高質，首先，佢有 4 款火鍋 set（A5 和牛、黑豚肉眼、海鮮＆宮崎雞腿肉）；湯底有昆布鰹魚、立魚、壽喜燒同埋泡菜任你揀。和牛係由日本鹿兒島直送嘅 A5 和牛，油脂分佈均勻，放湯入面滾幾下就好快熟，入口即溶，如果食牛唔想食到滯，揀壽喜燒湯底就最 match，夠晒鮮甜。黑豚肉份量多多，每塊切得薄薄哋方便吸收湯底味道，望落最抵食。毛澤粉嫩新鮮，唔肥唔瘦啱啱好，食起上嚟好嫩滑唔鞋口。如果揀海鮮餐就更加有驚喜，因為除咗有基本海鮮類，如：虎蝦、生蠔之外，仲有埋日本直送刺身品質嘅帶子同埋一大隻新鮮鮑魚，全部都好新鮮，放入湯滾幾下就食得。每個跟 set 附送嘅其他配料完全都洗得乾乾淨淨，而且大大份，有齊豆腐、冬菇、金菇、紅蘿蔔、芽菜、椰菜、皇帝菜、娃娃菜等，夠晒健康，食多多都唔怕消化不良啦！除咗呢啲之外，呢個餐仲包埋前菜、麵豉湯同埋打完邊爐一定要落埋嘅「主食」（有稻庭烏冬，飯、葛絲等你任揀其一）吸晒湯入面嘅精華嚟食，對住咁優質嘅食材，識食一定係咁食。座位有限，貴精不貴多，大家記得 book 位去試下喇！
圖片來源：charkhk
圖片來源：Silvia To
圖片來源：wabb0306
勝手
地址：銅鑼灣百德新街55號華納大廈地下E號舖
營業時間：12:00-15:00、18:00-23:00（星期一至日）
價錢：$610（和牛套餐150g）/ $420（黑豚肉套餐180g）/ $400（宮崎雞腿肉套餐）/ $498（海鮮套餐）
延伸閱讀：
【香港好去處】慈雲山小食館以外的街坊美食
【香港好去處：走遍荃灣尋覓8大特色美食】齊齊食好西！
Edited by CLASSES
Copyright © 2023 CLASSES Hong Kong Limited. 版權所有 不得轉載