【又係時候食蠔喇！環球7國生蠔大比拼】
上集就同大家輕輕提及過有關食生蠔嘅江湖傳聞啦，其實又唔一定要冬天先食到靚生蠔嘅，地球是圓的，所以到咗夏天喇喎，識食嘅你當然係食南半球嘅澳洲蠔啦！等小編再黎食誘下大家，帶大家向世界出發，比對下各國生蠔嘅大不同啦！
1. 清新之最：澳洲塔斯曼尼亞（Tasmania）生蠔
位於南太平洋澳洲南部嘅塔斯曼尼亞水質優良，所出產嘅生蠔體型較細，但肉質豐厚結實，肥瘦適中；味道細膩，海水味濃郁，入口帶有陣陣清新獨特嘅海草味，好似青瓜味，令人不禁諗起海邊捲起嘅浪花，充滿海洋氣息。口感溫和、濕潤，裙邊部分較長，爽脆質感伴隨純淨、鮮甜嘅 after-taste，好清新！絕對係食蠔入門必選，因為佢相對其他蠔黎講真係冇咁腥，難怪一直深受亞洲人歡迎。
圖片來源：Farrukh / Flickr CC BY-NC
2. 濃味之最：蘇格蘭石蠔（Loch Ryan）
蘇格蘭嘅石蠔出晒名重口味，養殖喺偏凍嘅蘇格蘭沿岸，海灣清徹，出產地歷史悠久，曾有文獻記載過喺 Loch Ryan 嘅生蠔非常優質，時至今日當地都仲係不停咁出產緊本地蠔同埋岩蠔，前者係野生；後者就係養殖嘅。蘇格蘭石蠔嘅殼一般比較薄，但啲肉就肥美有彈性，入口即溶。食落蠔味超濃，果陣金屬味喺口腔入面久久不散，迴腸盪漾！體型大少少嘅石蠔味道會比較溫和同埋鮮甜，細 size 啲嘅反而勁濃烈。配埋杯豐盈嘅白酒飲就更 bravo！
圖片來源：hklovebites.com
3. 美麗之最：法國白珍珠（La Perle Blanche）
法國蠔永遠都係所向無敵嘅，最貴又係佢，最靚係佢，最重海水味都係佢，識食嘅一定係食佢，特別係呢個品種 – 白珍珠，佢個朵夠晒響！叫得白珍珠，肉質當然潔白，裙邊同蠔身極度爽口彈牙，食落有濃濃嘅海水咸味，隔一陣又會食到佢嘅鮮甜，味道複雜細膩，餘韻悠長，最後果種礦物質嘅味道更加係令人難以忘懷，難怪成為法國蠔當中最優質嘅極品。
圖片來源：parisgourmand.com
4. 矜貴之最：南非納米比亞太平洋蠔（Namibian Pacific）
好多人話初食蠔者一定要揀南非蠔，因為佢嘅味道溫和，比較容易入口。南非嘅納米比亞 Walvis Bay 所出產嘅納米比亞太平洋蠔正正就係勁易入口，creamy 得嚟特別鮮甜，海水味唔重亦唔太鹹，但又會食到濃濃嘅礦物質味道，果陣金屬味仲會徘徊係喉嚨久久不散。因為佢嘅產地偏僻，而且產量有限，差唔多十年前曾受赤潮影響而令產量減少了90%，即使係咁，大家對佢嘅熱情有增無減，產量少，質量高，自然就變成沙漠中嘅一點清泉，成為熱搶對象！
圖片來源：trustyfood
5. 營養之最：日本廣島蠔
係日本人嘅角度嚟講，蠔就等於「海底牛奶」，營養價值豐富，味道又夠濃郁，特別係廣島蠔更加係首屈一指嘅日本名物。配合歷史悠久嘅養殖技術同埋四面環海，得天獨厚且具豐富優質海產嘅產地，廣島蠔生長得好飽滿，厚一厚，帶有光澤同彈性。好味之餘，相對其他地方嘅生蠔更有營養，無論糖份、鐵質或者係磷含量都比其他嚟得高。味道甘香鮮甜，口感滑溜，無論煎、炸、燒或用嚟整「蠔土手鍋」（廣島名物）都超正！
.jpg)
圖片來源：lucky_field7
6. 霸氣之最：美國托頓蠔（Totten Bay）
美國真係咩都「巨無霸」過人，就連蠔嘅 size 都係比其他國家大多多聲。呢款托頓蠔就真係經典，有成隻手掌咁大，新鮮豐腴，肉質同望落一樣咁肥美，不過就唔太重海水味，比起一般美國蠔淡，但勝在夠鮮甜同埋大大份！
圖片來源：protectourshorelinenews.blogspot.com & foodmento.com
7. 清淡之最：愛爾蘭高威生蠔（Kelly Galway）
在歐洲算係「平民價」嘅愛爾蘭高威蠔，外觀同一般蠔好唔同，有啲似圓扁形嘅貝殼咁，體型比佢遠親法國貝隆蠔大一半；外殼夠硬，蠔身肥嫩飽滿，透明感重，肉質爽脆，食起上嚟味道比較淡，但咁就更加特顯到佢嘅鮮味，餘韻悠長，越清淡越能試真生蠔嘅真鮮味！
圖片來源：kellyoysters.com
點樣食生蠔先岩？
其實食生蠔都冇乜話要有啲咩特別規則嘅，開咗蠔之後，用支叉分開個殼同肉，拎起蠔殼，係寬啲果邊吸走蠔肉，慢慢咀嚼一兩下，再直接吞落肚，就好似食提子咁，就最好味喇！當然呢個「無添加」嘅食法就係最純正，可以試出真味嘅方法，平日我哋都可以選擇加入檸檬汁、調味醬或者係紅酒醋等增強蠔嘅味道層次。
人人追求嘅口味都好唔同，唔知你又鍾情邊一款蠔呢？
延伸閱讀：
【食生蠔真係可以壯陽或催情？】
【去旅行必須知道的事】10個酒店禁忌DOs and DON’Ts
1. 清新之最：澳洲塔斯曼尼亞（Tasmania）生蠔
位於南太平洋澳洲南部嘅塔斯曼尼亞水質優良，所出產嘅生蠔體型較細，但肉質豐厚結實，肥瘦適中；味道細膩，海水味濃郁，入口帶有陣陣清新獨特嘅海草味，好似青瓜味，令人不禁諗起海邊捲起嘅浪花，充滿海洋氣息。口感溫和、濕潤，裙邊部分較長，爽脆質感伴隨純淨、鮮甜嘅 after-taste，好清新！絕對係食蠔入門必選，因為佢相對其他蠔黎講真係冇咁腥，難怪一直深受亞洲人歡迎。
圖片來源：Farrukh / Flickr CC BY-NC
2. 濃味之最：蘇格蘭石蠔（Loch Ryan）
蘇格蘭嘅石蠔出晒名重口味，養殖喺偏凍嘅蘇格蘭沿岸，海灣清徹，出產地歷史悠久，曾有文獻記載過喺 Loch Ryan 嘅生蠔非常優質，時至今日當地都仲係不停咁出產緊本地蠔同埋岩蠔，前者係野生；後者就係養殖嘅。蘇格蘭石蠔嘅殼一般比較薄，但啲肉就肥美有彈性，入口即溶。食落蠔味超濃，果陣金屬味喺口腔入面久久不散，迴腸盪漾！體型大少少嘅石蠔味道會比較溫和同埋鮮甜，細 size 啲嘅反而勁濃烈。配埋杯豐盈嘅白酒飲就更 bravo！
圖片來源：hklovebites.com
3. 美麗之最：法國白珍珠（La Perle Blanche）
法國蠔永遠都係所向無敵嘅，最貴又係佢，最靚係佢，最重海水味都係佢，識食嘅一定係食佢，特別係呢個品種 – 白珍珠，佢個朵夠晒響！叫得白珍珠，肉質當然潔白，裙邊同蠔身極度爽口彈牙，食落有濃濃嘅海水咸味，隔一陣又會食到佢嘅鮮甜，味道複雜細膩，餘韻悠長，最後果種礦物質嘅味道更加係令人難以忘懷，難怪成為法國蠔當中最優質嘅極品。
圖片來源：parisgourmand.com
4. 矜貴之最：南非納米比亞太平洋蠔（Namibian Pacific）
好多人話初食蠔者一定要揀南非蠔，因為佢嘅味道溫和，比較容易入口。南非嘅納米比亞 Walvis Bay 所出產嘅納米比亞太平洋蠔正正就係勁易入口，creamy 得嚟特別鮮甜，海水味唔重亦唔太鹹，但又會食到濃濃嘅礦物質味道，果陣金屬味仲會徘徊係喉嚨久久不散。因為佢嘅產地偏僻，而且產量有限，差唔多十年前曾受赤潮影響而令產量減少了90%，即使係咁，大家對佢嘅熱情有增無減，產量少，質量高，自然就變成沙漠中嘅一點清泉，成為熱搶對象！
圖片來源：trustyfood
5. 營養之最：日本廣島蠔
係日本人嘅角度嚟講，蠔就等於「海底牛奶」，營養價值豐富，味道又夠濃郁，特別係廣島蠔更加係首屈一指嘅日本名物。配合歷史悠久嘅養殖技術同埋四面環海，得天獨厚且具豐富優質海產嘅產地，廣島蠔生長得好飽滿，厚一厚，帶有光澤同彈性。好味之餘，相對其他地方嘅生蠔更有營養，無論糖份、鐵質或者係磷含量都比其他嚟得高。味道甘香鮮甜，口感滑溜，無論煎、炸、燒或用嚟整「蠔土手鍋」（廣島名物）都超正！
圖片來源：lucky_field7
6. 霸氣之最：美國托頓蠔（Totten Bay）
美國真係咩都「巨無霸」過人，就連蠔嘅 size 都係比其他國家大多多聲。呢款托頓蠔就真係經典，有成隻手掌咁大，新鮮豐腴，肉質同望落一樣咁肥美，不過就唔太重海水味，比起一般美國蠔淡，但勝在夠鮮甜同埋大大份！
圖片來源：protectourshorelinenews.blogspot.com & foodmento.com
7. 清淡之最：愛爾蘭高威生蠔（Kelly Galway）
在歐洲算係「平民價」嘅愛爾蘭高威蠔，外觀同一般蠔好唔同，有啲似圓扁形嘅貝殼咁，體型比佢遠親法國貝隆蠔大一半；外殼夠硬，蠔身肥嫩飽滿，透明感重，肉質爽脆，食起上嚟味道比較淡，但咁就更加特顯到佢嘅鮮味，餘韻悠長，越清淡越能試真生蠔嘅真鮮味！
圖片來源：kellyoysters.com
點樣食生蠔先岩？
其實食生蠔都冇乜話要有啲咩特別規則嘅，開咗蠔之後，用支叉分開個殼同肉，拎起蠔殼，係寬啲果邊吸走蠔肉，慢慢咀嚼一兩下，再直接吞落肚，就好似食提子咁，就最好味喇！當然呢個「無添加」嘅食法就係最純正，可以試出真味嘅方法，平日我哋都可以選擇加入檸檬汁、調味醬或者係紅酒醋等增強蠔嘅味道層次。
人人追求嘅口味都好唔同，唔知你又鍾情邊一款蠔呢？
延伸閱讀：
【食生蠔真係可以壯陽或催情？】
【去旅行必須知道的事】10個酒店禁忌DOs and DON’Ts
Edited by CLASSES
Copyright © 2023 CLASSES Hong Kong Limited. 版權所有 不得轉載