去旅行必須知道的事-10個酒店禁忌DOs-DONTs - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2016年01月05日
【去旅行必須知道的事】10個酒店禁忌DOs and DON’Ts
【去旅行必須知道的事】10個酒店禁忌DOs and DON’Ts
小編自己一個人去旅行通常都寧願住民宿都唔會揀住酒店,因為酒店鬼故、傳聞太多,大家講到似層層咁,酒店又靜;私密度又咁高;燈光又比較暗,自己一個住呢啲真係怕怕架。坊間嘅傳聞何其多,有咩可以做,有咩唔可以做,你又知道幾多樣?知得愈多又係咪愈好呢?



DOs:

1. 入房敲門,打個招呼先
正所謂,入屋叫人,入廟拜神,禮多人不怪,善意咁敲敲門同「朋友」打聲招呼,講聲唔好意思要打搞幾日,相信「朋友」應該都會諒解,唔會動怒。如果誠心啲做到足,等房門打開大概一分鐘後,人企埋一邊,先慢慢行入房。

2. 入廁所沖廁
入房後即刻沖一沖廁、開一開洗水盆、打開電視機,用聲音知會啲「朋友」間房將會有人住。冇搞笑成份,入廁所沖一沖廁都衛生啲,事關小編曾經試過一 check in 入到廁所見到上一手遺留落黎嘅一篤「黃金」呢!沖一沖廁先去。

3. T 字型一正一反放拖鞋
聽人講得最多嘅就係話啲「朋友」見到啲鞋同拖鞋好整齊咁排放嘅話,就會好感興趣同埋好想同你開下玩笑,半夜三更著住你對鞋周圍走,如果唔洗咁就切記要將鞋一正一反咁放或者散開咁放,有咁亂得咁亂。瞓教果陣如果唔想惹到靈界朋友同床,搞到你半夜嚇到標尿,最好都係將床邊對拖鞋放成 T 字型咁,仲要一正一反咁放就咁晒安全。

4. 見到聖經打開咗就要換房
其實好多酒店房都有聖經,所以見到都唔洗怕。怕只怕佢打開咗,仲要係一篇驅鬼經文,咁就真係可能有比較「惡」嘅靈界朋友係入面住緊喇!咁嘅情況最好當然就係換房,如果換唔到…咁就乖乖地千祈唔好掂本聖經喇,一陣失靈就弊喇。

5. 瞓前拍拍被舖同枕頭
為免唔覺意瞓咗係「朋友」身上,最好都係先拍一拍被舖同枕頭等佢哋意識要迴避一下,基本禮貌,做咗心安理得,你大可以當成係幫自己整理一下張床先瞓啫。




DON’Ts:

1. 熄晒啲燈瞓
見光死,鬼最怕就係「陽氣」,瞓教果陣唔好熄晒所有燈,最好留番一支,俾番啲「陽氣」間房,同時等你半夜去廁所都唔洗摸黑去嚇餐死。

2. 住尾房
呢個禁忌係人都會明,住尾房真係咪話唔介意,酒店要爆滿其實係一件難事,如果爆滿住其實反而唔洗怕,因為咁樣證明多人流,正所謂人怕鬼三分,鬼怕人七分,人氣咁旺,「朋友」們都要迴避啦,不過如間酒店細,房其實反而集中啲,咁又唔洗太介意尾唔尾房喎!

3. 一嚟就打開晒啲櫃桶
都係果句啦,其實鬼怕人多過人怕鬼架,都要留番條後路俾人匿吓嘅,唔好一就打開晒啲衣櫃、櫃桶,最少留番一個俾佢哋啦,唔好真係迫「人」埋死角架喇,見到佢又話人哋嚇親你…

4. 半夜喺房到影相
知道各位女士好鐘意咩都影一餐同打卡,去到酒店影下間靚房曬下命都係一件人知常情嘅事,但係 Timing 都好重要,如果你唔想影到張相多咗個「朋友」嘅話,攝影變攝魂跟住你成趟旅行嘅話,盡量避免係夜欄人靜時影相,仲有就係如果見到牆上有掛畫最好都避咗佢唔好影。順帶都提提大家,電梯陰氣好重,係入面影相都好容易賴野,同總之,小心至上。

5. 半夜剪指甲
手指係發放「靈氣」嘅位置,時運低嘅時候剪指甲係會吸引到靈界朋友過黎吸你啲靈氣架!其實都冇分話酒店定屋企剪,只係屋企起碼係自己地頭,人又多啲,而旅行就…總之半夜剪指甲都唔多好。


呢啲野,做咗求個心安理得,唔洗半夜驚醒訓唔番,無謂令自己去趟旅行都去得無心無力啦!寧可信其有,不可信其無呀!其實仲有好多都市傳聞嘅,總之如果發現一入去,個感覺好唔妥,有異味、有怪聲、有頭髮、有血跡…最好都係轉房,咪等自己杯弓蛇影,形住形住,咁就一定瞓唔到,精神唔好,反而仲易撞到「朋友」呀!

 
延伸閱讀:
【夠鐘High Tea喇喂】$99帶你平嘆層層Tea Set
去韓國汗蒸幕首先你要知道的九件事


Edited by CLASSES




新聞資訊