免費玩水戰同臉部彩繪？2017渣打嘉年華重點推介！ - 品味新聞 | CLASSES 香港學習資訊平台

 
2017渣打慈善家庭跑連埋嘉年華又嚟啦！聽講今年唔止免費攤位遊戲咁簡單，仲有水戰玩？！等小編帶大家今年有咩嘉年華必玩攻略，等大家鎖定目標衝衝衝呀！
 
渣打慈善家庭跑由渣打銀行全同渣打香港150週年慈善基金主辦，透過跑步同嘉年華等大家享受假日樂，並為有需要人士籌款。活動由依家開始於網上接受公眾報名，早鳥報名者仲有驚喜禮物架！千其唔好錯過！等小編介紹吓有咩玩先！ 
 

（圖片來源：StandardCharteredCharityFamilyRun@FB）
 
只要你喺5月31號之前報名，就可以有早鳥禮物啦！帳篷好抵玩！必揀！而97限定嘅灰色背囊都係大熱，要揀就揀佢啦！（可惜小編唔係97年出世…嗚嗚）但都係先到先得，手快有手慢冇……所以要快啦！
 

設計對白：爸bi，點解你隻成糉咁嘅？（圖片來源：StandardCharteredCharityFamilyRun@FB）
 
作為主菜，點少得慈善跑～但今次嘅慈善家庭跑一啲都唔無聊，分別設有「400米前世情人跑」及「兩公里跑」，男女老幼都可以組隊參加！如果大家玩400米前世情人跑，可以由父母攜同一名5歲或以下子女參加，共享親子時光，同時為慈善出一分力！。至於「兩公里跑」呢，又再有分「家庭組」同「97壽星組」，「97壽星組」係特別為1997年出世嘅後生仔一齊跑！而「家庭組」可以由一家人一齊戴住號碼布，望住維港跑，拎住同一套獎牌，呢刻嘅珍貴回憶，無價！快D tag阿爸阿女阿爺阿孫，五代同堂一齊參加啦！

咦？你哋同小丸子Family咁似樣嘅？！（圖片來源：StandardCharteredCharityFamilyRun@FB）

參加隊伍會於中環10號碼頭起步，沿中環海濱長廊跑出龍和道，最後跑入位於添馬公園，沿途飽覽維港風景，正呀！

大會同場舉行嘅嘉年華非常熱鬧，除咗有Live Band嘅灑脫表演外，仲有一系列費用全免嘅玩樂活動！首先係水戰Party，俾大家幫朋友消吓暑氣！邊個朋友最近好燥？咁就要幫吓佢啦！唔知有冇水槍玩呢！

 
（圖片來源：vandiary.com）
 
仲有免費臉部彩繪，俾大家變成一隻可愛花面貓！小朋友就畫得可愛啲，大朋友啦喎……嘿嘿，到時你咪知！變完身之後，記得去埋大草地，隨便俾大家攤低擺pose之餘，仲有家庭照拍攝，玩完五代同堂跑嘅人更加要嚟影相啦！



話明係嘉年華，梗係唔少得有獎品嘅攤位遊戲，勝在唔使買代幣先有得玩，可以盡情玩！星期日唔知做咩好，一於去嘉年華兜個圈啦！
 
參加者無需支付任何報名費，每位6歲或以上嘅參加者只需捐款最少港幣200蚊，大會會完全唔扣成本，將你嘅捐款全數捐俾奧比斯、香港殘疾人奧委會暨傷殘人士體育協會以及香港防癌會。今日就可以開始報名啦，截止報名日期係6月9號，名額先到先得，快啲go go go！
 
「2017渣打慈善家庭跑」詳情
日期：2017年7月23日(星期日)
時間：8:00am – 1:00pm
地點：中西區海濱長廊、龍和道
網上報名：www.putyourself.in/sc

相關文章：
Joan Cornellà個人展覽又返嚟？教你睇展覽唔失禮攻略！

EDITED BY CLASSES