一齊呌啖「戲」-逢星期三免費睇戲! - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2017年02月27日
一齊呌啖「戲」 逢星期三免費睇戲!
一齊呌啖「戲」 逢星期三免費睇戲!

「唞啖戲」逢星期三晚都會開個新場,揀套戲好戲、招呼大家免費入場,大家可以隨便「埋嚟睇埋嚟坐」,換個角度唞唞戲!當中有獨家首映新片,亦有好戲重溫,多元化嘅非主流電影片種絕對會令大家開闊眼界!除咗睇電影,仲有其他新鮮元素,一於睇吓點玩法!



由3月22號(暫定)開始,電影欣賞會逢星期三晚於商場二期(D2 Place TWO) 2樓The Labs舉辦。喺香港想搵一片寫意空間……?一向支持本土、創意、小眾和獨特性嘅D2 Place 再適合不過。除咗時裝、美食同創意市集,依家再追加一個「唞氣位」,舉辦「唞啖戲@D2 Place」電影欣賞會,推廣非主流電影文化。

 

「唞啖戲」精選片種多元化,來自世界各地,總有一部啱你睇!稍後更會由觀眾票選電影,想睇邊套戲,人人都有份話事!而「唞啖戲」主打非主流電影,所謂「非主流」,不一定要故作高深,無病呻吟之作。其實只要係少人接觸嘅題材、新鮮嘅敍事手法、破格嘅演繹風格等等,喺另類之中,你仍然會搵到共嗚。
 
除咗睇電影,完場後更會請來特別嘉賓同觀眾交流,希望大家以全新角度睇到每部電影嘅獨特戲味,在主流之中「唞.啖.戲」。觀眾更可為電影自由定價,隨心付出你認為值得嘅票價以示支持。



每個月都會有唔同特定電影主題,更有不同Crossover配合,例如完場後加演一場Band Show、安排美食分享會、同潮牌開Pop-up Store、甚至再嚟個時裝花生Show,任何好玩夠Fun嘅活動都有機會出現,估你唔到咁重玩味!
 
講咁耐,係咪好想知3月到底有咩好戲?

首月好戲場:
《雪國戀人》(A Man and A Woman)
導演:李胤基/ 主演:孔劉、全度妍


韓式浪漫到底係咩?相信大家此時此刻經已浮起幾個畫面。而《雪國戀人》一反典型格局,絕對會令大家改變對韓式愛情片嘅既定印象!大家熟悉嘅孔劉,今次唔玩「屍殺」亦唔玩「鬼怪」,而係遠赴雪國芬蘭,同《下女》康城影后全度妍沉淪於一段不倫之戀。導演李胤基營造的場景、色調、攝影、服裝以至情慾,都別具詩意份外精緻,不浮誇卻讓人心痛。
 
《聽說桐島退社了》(The Kirishima Thing)
導演:吉田大八/ 主演:神木隆之介、橋本愛
 

呢套不一樣嘅青春校園片,在於「主角」由頭到尾都冇出現過。《聽說桐島退社了》改編自日本年輕作家,《何者─我們都想成為「誰」?》原作者- 朝井遼首部獲獎小說作品。電影故事以不同人物多線敍述,巧妙交纏又伸延發展,盡現校園裡各式欺凌、八卦、戀事嘅眾生相。
 
100 Yen的愛》(100 Yen Love)
導演:武正晴/ 主演:安藤櫻、新井浩文


勵志片一定係鼓起勇氣衝衝衝、抱住「只要打不死,天下就會屬於我」嘅正能量嬴盡全場?《100 Yen的愛》帶你走回現實,表面上似係一部有關拳擊嘅「大路」勵志片,實質係由女主角視點看盡人生百態,有起亦有跌。而結局,絕對會令你有所期待。
 
《下眾之愛》(Lowlife Love)
導演:內田英治/ 主演:緒方義博、木下鳳華



追夢者點解會有光環?在追夢者之前,首先佢係一個人。係人,就會有私欲,有陰暗面。導演內田英治大膽寫實地展現電影人嘅卑劣、辛酸同妥協,為咗成功人人都可以出賣身體和靈魂。故事的主角被形容「下眾」,所謂「下眾」即係「低賤的人」,廣東話叫「人渣」。但為了成就對電影嘅愛同夢想,不惜飛蛾撲火,於最底層中掙扎發光。
 
【小編講兩句】當所有人都話香港逐漸變成文化沙漠,好難得仲有一班有心人繼續俾心機搞好香港,推廣各種文化,我覺得非常值得嚟支持。無論大家想免費睇套戲,抑或想走出「主流電影」界限,還是純粹想支持呢班有心人……放工放學後,一於嚟唞唞戲!
 
「唞啖戲@D2 Place」活動詳情:
時間:逢星期三晚(三月中起) (*實際日期稍後公佈
地點:D2 Place二期(D2 Place TWO) 2The Labs
票價:自由定價
參加方法:網上/ 即場登記
唞啖戲Facebook:https://www.facebook.com/TDmovie/
 

EDITED BY CLASSES



新聞資訊