黑痣黑癦有可能變癌細胞?教你正確自我檢查方法! - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年09月05日
黑痣黑癦有可能變癌細胞?教你正確自我檢查方法!
黑痣黑癦有可能變癌細胞?教你正確自我檢查方法!
 
人一生中,多多少少都會有唔同嘅痣同癦,有啲會慢慢變淡,有啲反而愈嚟愈大。到底點先知黑痣、黑癦有冇扭計,變成可怕嘅癌細胞?等CLASSES教你正確嘅自我檢查方法!
 
癌症基金會指出,非黑色素瘤皮膚癌是本港十大常見癌症的第八位,而且數字每年上升!想監察皮膚癌,一定要定時自我檢查。只要記住癌症基金會教嘅「ABCDE」口訣,檢查方法就好易記啦!
 
1.      Asymmetry 不對稱



癦或痣唔一定呈圓形,但形狀會規則而且對稱。如果變成不規則形狀,咁就好有可能係癌變。
 
2.      Border 周邊



正常嘅癦或痣與身體皮膚嘅界線分別,而癌變嘅癦或痣邊緣會粗糙而不平滑,甚至同正常皮膚交界模糊不清。
 
3.      Colour 顏色



部份癦或痣天生就呈綠色、啡色或黑色,其實呢啲都係正常色澤。但如果顏色分佈變得唔平均,部份位置顯得特別深色,請盡快搵醫生檢查!
 
4.      Diameter 直徑



正常嘅癦或痣唔會超過6cm,如果癦或痣持續生長至超過6cm,就要小心啲啦。
 
5.      Elevation 質感
 


如果癦或痣出現隆起、表面凹凸不平嘅情況,都係癦或痣演變成癌細胞嘅特徵。
 
香港癌症基金指出,好多人貪靚脫癦,而醫生就話呢個方法其實唔可取。因為美容方法只能脫走癦或黑痣嘅外層,而底部仍然存在。當黑痣外表消失,一旦底部嘅癦痣癌變,反而無辦法可以憑以上幾種自我檢查法察覺癌細胞,令癌細胞更難發現。
 
所以冇咩事都唔好隨便脫癦啦!快啲準備一塊全身鏡,好好檢查一下啦!
 
資料來源:香港癌症基金
圖片來源:Med-Health、regional derm、The Skin Cancer Foundation、Pinna、Ozark Dermatology Clinic


相關文章:
衛生巾可能有毒令經期大亂?教你慎選M巾三大原則!

EDITED BY CLASSES



新聞資訊