衛生巾可能有毒令經期大亂？教你慎選M巾三大原則！ - 健康新聞 | CLASSES 香港學習資訊平台

前幾日衛生巾界爆大獲，南韓知名衛生巾牌子莉蓮（Lilian）被揭有毒，好多使用者都因此經期大亂哂、經痛、停經，甚至出現子宮肌瘤！當地已經有超過1萬名受害者......到底衛生巾應該點揀先安全？
 
1.    查清衛生巾物料



一塊出色嘅衛生巾，當然愈少化學野愈好。例如應該揀天然背膠：即係粘住內褲嘅膠層，一定要採用天然物料先安心。一定唔可以揀含有甲醛、螢光劑嘅產品。大家可以睇吓產品標籤，如果通過SGS認證同歐盟認證就更加放心啦！
 
2.    有味未必好



好多衛生巾都標榜有各種香味。部份呢類衛生巾內含唔必要嘅藥物、香精或添加劑，一來容易令皮膚過敏；二來原本下體有異味係因為微生物產生，而呢啲香味混合微生物只會發生更難聞氣味，甚至產生更多微生物。
 
3.    特別成份未必安全


 
市面上出現好多含有特別成份嘅衛生巾，例如膠原蛋白夾層、中藥夾層等，其實未必適合每種體質，部份成份更加會加速細菌滋生，導致下體痕癢、發炎。
 
咁貼身嘅用品，當然要愈小心愈好！做個精品嘅消費者，唔好再買劣貨啦！
 
圖片來源：DNA India、china direct buy、sanitary napkin
 
相關文章：
【健康教室】止M痛有良方妙法
新手男朋友見到女朋友M痛應該點做好

EDITED BY CLASSES