胃痛未必只係小事!留意潰瘍四大先兆 - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年07月26日
胃痛未必只係小事!留意潰瘍四大先兆
胃痛未必只係小事!留意潰瘍四大先兆

都市人食無定時,可能耐唔耐就會胃痛胃脹。諗住呢啲都係人人有嘅小事就大意?好易拖出禍!如果你成日都有以下四大徵狀,就要留心!好有可能係消化系統出現潰瘍問題!
 
1.      胃脹氣
食錯野或飲水太少都會有胃脹氣,但正常只會維持1-3日。如果你成日都覺得非常胃脹,個胃好似變咗汽球咁,仲會令你上腹痛,往往係潰瘍先兆。若果你仲有埋以下其中1樣症狀,就要快啲檢查吓啦!



 
2.      想嘔
患上潰瘍會改變消化分泌液嘅化學成分,令你成日想嘔、反胃。如果有潰瘍問題,胃部同腸道消化食物時會產生痛感。如果真係嘔,大家要避免服用含有布洛芬或阿斯匹靈嘅藥物,因為會更刺激消化系統,令潰瘍問題惡化。


 
3.  胃灼熱
胃灼熱唔止係胃部有灼熱痛感,有時亦會變成強烈嘅胸痛,仲會成日打嗝!如果你經常有胃灼熱問題,就要睇醫生啦!
 

 
4.    出血
當胃腸道出血,好有可能係潰瘍。有時患者喺嘔吐物同糞便中都會發現有血。另外,部份患者糞便更會係黑色。即使你冇以上3點症狀,但出現黑色糞便或糞便帶血嘅話,小編都強烈建議你即刻睇醫生,因為呢兩種情況都係結腸癌同痔瘡嘅症狀!


 
唔好以為呢啲係小問題!小問題積積吓就好易變大問題,病向淺中醫呀!身邊係咪有朋友同事成日都食無定時,又成日都胃痛肚痛?

圖片來源:remediesforhealthylife、dietaparaelcolonirritable、publicbroker、blueblots
 
相關文章:
飲湯一定好健康?原來湯水都有健康陷阱!
點先叫健康的屎?原來六種大便形狀各有含意!

EDITED BY CLASSES



新聞資訊