男女必睇!原來男仔都有念珠菌?教你認清8個念珠菌真相! - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年09月21日
男女必睇!原來男仔都有念珠菌?教你認清8個念珠菌真相!
男女必睇!原來男仔都有念珠菌?教你認清8個念珠菌真相!

你以為只有女仔先會受念珠菌困擾?原來男人都有!唔係洗乾淨就可以解決問題,一齊睇吓8個關於念珠菌嘅真相,等大家有效防患未然!

根據衛生署資料,其實男女都有機會患上念珠菌相關疾病。一齊睇吓衛生署點講啦!
 
1.      男仔都有念珠菌?

念珠菌係一種生於人體嘅黴菌,除咗女性陰道外,其實仲會出現於口腔、男性性器官等。只係出現於男性嘅機率較低,所以先會覺得係「女性病」。
 

 
2.      有菌等於有病?

喺正常情況下,女性陰道本來都會有少量念珠菌,呢個時候唔會帶嚟任何困擾。一旦陰道嘅酸鹼度改變,會令念珠菌繁殖量增加,導致陰道炎等病症。
 
3.      念珠菌陰道炎算係性病?

好多人都以為念珠菌陰道炎係係性病,其實完全唔係!首先,念珠菌陰道炎透過性傳染嘅機率低,但要小心嘅係,念珠菌陰道炎可以經間接傳染,例如使用公廁、共用毛巾、泳池水都有可能感染念珠菌。
 
4.      陰道炎即尿道炎?

兩種病症雖然只差一個字,但其實病症完全唔同。陰道炎主要由念珠菌引起,而尿道炎則由大腸桿菌引起。陰道炎會出現下體痕癢、小便刺痛感,有過多分泌物;而尿道炎小便時都會出現刺痛感,但就冇分泌物。
 

 
5.      中招出於清潔不足?

好多人以為清潔得唔夠就會導致念珠菌滋生,但其實過度清洗反而會影響陰道酸鹼度。本身陰道呈酸性,如果用咗某啲會中和酸鹼嘅清潔劑,反而令陰道環境變成酸性,令念珠菌過度滋長,因而引發陰道炎。
 
6.      幾時先要睇醫生?

如果只有少許痕癢感,可以等2-3日,情況通常會自行改善。但如果陰道分泌物持續會增加、變黃、呈芝士狀、外陰痕癢不止、陰道疼痛、性交時不適、甚至有發炎、潰損情況時,就要馬上睇醫生。
 

 
7.      另一半需要接受治療嗎?

如性伴侶冇出現任何念珠菌感染徵狀,佢唔需要接受任何治療。但如果兩人同時出現念珠菌感染徵狀,兩人應該同時向醫生求診,以減少交互傳染嘅機會。
 
8.      可以點樣預防念珠菌陰道炎?

喂喂,講咗咁耐,到底點樣避免中招呀?記住以下四式:
A.     唔好著緊身、尼龍質料內褲,要揀棉質內褲,令下體保持通爽。
B.     唔好擅自買藥水、酒精清洗下體,因為有可能會刺激皮膚,仲會影響陰道內嘅酸鹼度,可能令細菌滋生得更快。
C.     唔好用有香味嘅紙巾抹拭下體,因為呢啲香味通常來自添香劑,化學野盡量少用啦~
D.     如廁後,應該由外陰前後抹到後方,千其唔好調轉,避免將肛門細菌帶到陰道。
 
唔好再以為念珠菌係好恐怖嘅事!了解自己嘅身體,做足預防措施,咁就唔怕啦!
 
資料來源:衛生署
圖片來源:nootropicnation.com 、Chronic Body Pain、livestrong.com

 
相關文章:
成日捱夜會出斑?教你分清太陽斑、雀斑、黃褐斑!

EDITED BY CLASSES



新聞資訊