片裝芝士原來係假芝士？教你分清真假芝士！ - 健康新聞 | CLASSES 香港學習資訊平台

近年周街都見到拉絲芝士，點解喺屋企整意粉又唔識拉絲？好有可能係因為你用咗假芝士！
 

 
就以呢款包裝芝士為例，寫到明主要成份係由脫脂奶居多，而芝士成份只含有33%，其他成份係奶油、乳清、奶蛋白，主要用嚟添加「芝士」味道，另外仲有多磷酸鈉等等添加劑。
 

 
而呢款片裝芝士雖然主要成份都有芝士（乳酪）、但同時亦添加咗水、非脂肪乳固形物組成。到底點解會咁？唔通係陰謀？！

其實係食物生產商為咗節省食本，用呢種人工芝士掛羊頭賣狗肉。除咗芝士成份少得可憐之外，呢種假芝士加咗好多添加劑同防腐劑。當中通常都會以多磷酸鈉作為食品改良劑，改變產品嘅組織結構同口感，令質感更似芝士。
 
大部份呢啲片裝芝士因為芝士含量太少，高溫底下都唔會溶化，反而會直接焦化。即係點呀？四個字講哂：燒極唔溶！咁自然拉唔到絲！唔信？睇埋片你就信！
 
 


 
當然，仍然仲有稀有嘅片裝芝士一樣係純芝士，冇防腐劑亦冇乳化劑，但市面上真係非常難搵！你仲夠膽食平價片裝芝士嗎？快啲將呢個真相分享俾身邊嘅朋友知道！
 
相關文章：
全脂奶反而比低脂奶好？原來高鈣低脂奶唔係鮮奶！
食肥肉吸脂肪反而減肥？你相信生酮飲食法嗎？
 

EDITED BY CLASSES