流汗愈多運動愈有成效?揭曉三宗流汗真相! - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年09月06日
流汗愈多運動愈有成效?揭曉三宗流汗真相!
流汗愈多運動愈有成效?揭曉三宗流汗真相!
 
一般大眾對流汗有一種根深蒂固嘅諗法,就係流汗對身體好。到底係咪真係咁呢?流汗本身對身體有咩益處呢?今日CLASSES就同大家一齊破解流汗三大迷思!
 
加拿大渥太華大學運動生理學副教授 Oliver Jay 用一句講哂:「出汗就只係出汗,只係排走水份,以幫身體散熱。」
 
1.      出汗愈多、運動效果愈好?



事實上,出汗量唔會提升運動效果。即係大家喺冷氣房同室外做相同嘅運動,體能消耗量理論上係一樣。只係運動強度愈高、愈激烈,體內會製造愈多熱能,流嘅汗自然愈多。簡單講,流汗量係反映運動激烈度嘅「結果」,而唔係提升運動成效嘅「因素」。
 
【延伸閱讀】有人咩運動都唔做一樣好大汗……咁又係咪正常?
即睇:點解得我咁大汗?出汗太多係咪正常


2.      出汗幫助排毒?



出汗排毒嘅效果微乎其微汗,因為汗嘅成份大部份都係水,只有少部份固體成分。而固體亦以氯化鈉(鹽)為主,以及少量尿素、乳酸、脂肪酸。呢啲都唔算係身體嘅毒素,由此可見靠出汗嚟排毒實在太妙想天開啦!實際上,肝先係化解毒素嘅器官,而排毒就靠係腎臟同大腸。想排毒效果更好?由呢三個器官入手仲實際!


3.      出汗有助降體重?



或者等小編再重申多次,出汗所流失嘅係水份,唔係脂肪。冇錯,出汗的確可以降體重,因為排出嘅水份點都有重量,但呢種降體重根本冇用,除非你決定以後唔再飲水。如果流失水份太多,小編建議你快啲補充水份,以免身體出現開始。始終,一時半刻嘅減重對塑造身形毫無幫助,只會對身體造成負擔。
 
【延伸閱讀】流失太多水份會中暑!即睇:
夏天出街好易暈?教你辨識中暑四大先兆!
 
想減肥排毒?都係乖乖哋做運動、自訂健康排毒餐單啦!
 
圖片來源:Huffington Post UK、reporters.pl、New Scientist
 
相關文章:
你的減肥方法正確嗎?
運動飲品真係可以平時飲?大錯特錯!
 

EDITED BY CLASSES



新聞資訊