曬傷切忌冰敷、沖水!教你七大曬傷急救法! - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年09月19日
曬傷切忌冰敷、沖水!教你七大曬傷急救法!
曬傷切忌冰敷、沖水!教你七大曬傷急救法!

呢排天氣好難估,前排先落足幾日雨,呢排又變返曬到頭暈。一時又唔好諗住冰敷、沖水,只會傷多兩錢重!等小編教大家正確曬傷急救法七大步驟!
 
步驟1. 先搵蔭涼地方避曬



如果皮膚已見紅腫,甚至有灼熱感,好有可能已經係初步曬傷。呢個時候唔好再曬太陽啦!要搵個有瓦遮頭嘅地方抖一抖!
 
步驟2. 用濕敷代替冰敷
 


曬傷後皮膚非常敏感,唔適宜再用冰粒咁刺激嘅野為皮膚降溫。正確方法應該係敷上一條濕毛巾,等皮膚慢慢降溫。小編個人覺得用絲巾比較舒服,避免被毛巾嘅毛粒磨擦到受損皮膚。
 
步驟3. 沖個暖水涼



返到屋企,記得沖個暖水涼,水嘅溫度可以俾平時稍涼,旨在幫皮膚進一步降溫。記得唔好用浴球或毛巾擦身,抹身時亦只能印乾,唔好擦乾,否則容易擦傷皮膚,造成甩皮。
 
步驟4. 放心用蘆薈



蘆薈的確可以有效保濕,仲唔傷皮膚,係非常好嘅曬傷急救必備用品!唯一要注意嘅係:大家要Check清楚自己有冇對皮膚過敏呀!
 
步驟5. 塗多次潤膚液



唔好諗住一早一晚塗潤膚露就夠,曬傷皮膚非常需要滋潤,一日大概要搽3-4次先足夠保護皮膚,防止脫皮。最好搽只含保濕潤膚作用嘅潤膚液,有關美白、袪斑等帶有額外功效嘅產品都要盡量避用。另外,磨砂產品都要暫時停用,以免造成二次損傷。
 
步驟6. 善用玻璃樽



隔咗一日,皮膚冇咁快脫皮,但灼熱感會加重。如果實在難耐痛感,可以用一個玻璃樽裝住啲凍水,輕輕敷於皮膚上,減低灼熱感。
 
步驟7. 搽足防曬



等皮膚回復原狀後,記得要KEEP住搽防曬。始終預防勝於治療!長期暴曬,唔止曬傷咁簡單,仲會增加患上皮膚癌嘅風險架!
 
到底防曬產品應該點揀?即睇:
防曬指數SPF愈高愈好?教你五招夏天防曬攻略!
 
圖片來源:Good Housekeeping、Moisturizes Skin、IKEA、Keywordsuggest、Food NDTV、InStyle
 
相關文章:
黑痣黑癦有可能變癌細胞?教你正確自我檢查方法!
 

EDITED BY CLASSES



新聞資訊