新手男朋友見到女朋友M痛應該點做好 - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2016年02月18日
新手男朋友見到女朋友M痛應該點做好?
新手男朋友見到女朋友M痛應該點做好?
女仔每月一痛嘅問題輪迴不斷,作為男朋友嘅你又點會唔心痛?特別係岩岩做人男朋友嘅你,第一次初遇會 M 痛到死去活來嘅女朋友,你又會點做呢?小心啲答呀!因為女仔肺容量比較細,會秋後算帳亦係意料之內嘅事,仲一碌葛咁?實死得!唔想死得不明不白,咁就要睇下以下呢個初階版嘅冧女技巧喇!

1. 其實只要細心觀察,每月一痛果個樣唔難估,如果唔 Confirm,主動慰問一下都好過完全唔理,起碼 show 到自己原來係 care 佢。記住果下要暫停一下打緊嘅「電動遊戲」。

2. 再細心啲嘅男仔應該會記得或者大概計到女朋友嘅生理期係幾時,甚至可能仲會觀察到女朋友有啲隱隱作痛嘅先兆,事前 Well prepare 好一啲暖貼或者係止痛藥「M痛配方」,係呢個時間向佢伸出援手,嘩!呢一刻你仲唔係無價寶?係邊到可以搵到一個咁知你心嘅人?

3. 如果女朋友痛到連床都落唔到,可以試下幫佢按腳,因為穴位按摩可以舒緩到痛楚架!

4. 如果冇暖水袋或者暖包,都要識醒水,用熱毛巾都一樣得,只要你記得要擰乾先好幫女朋友敷肚,如果怕凍咗會濕淋淋,體貼啲更加可以用風筒吹番暖佢,小編試過真係有啲用架!

5. 默默幫手做晒啲家務佢,然後記得要溫柔咁慰問佢,同埋語重心長咁提點佢唔好食咁多凍野同埋要飲多啲熱水,呢種關心,女仔通常都會覺得好溫馨架!

6. 成晚攬住佢個肚瞓,手不離肚,用手揉下佢個肚,呵下佢,可以令佢安心啲,心理上真係會好啲架!


圖片來源:pretty52.com

7. 每個月果一日都親手整熱飲俾女朋友暖下個肚,除咗熱鮮奶、朱古力之外,你仲可以試整埋黑糖或者薑茶,對舒援 M 痛更加 work 架!

8. 進階版:做人肉速遞,幫女朋友買 M 巾。呢個對某啲男仔嚟講真係仲「情何以堪」過買 Condom!如果你可以做到以下呢一點,相信你就係終極好男人(因為真係好少男仔肯拋低呢種面子架!)

各位好男人,你識做啦?

圖片來源:ALAMY

延續閱讀:
【健康教室】止M痛有良方妙法

Edited by CLASSES




新聞資訊