夏天出街好易暈?教你辨識中暑四大先兆! - 健康新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 健康
  • >
日期:2017年08月17日
夏天出街好易暈?教你辨識中暑四大先兆!
夏天出街好易暈?教你辨識中暑四大先兆!

太陽咁猛烈,有冇試過曬曬吓覺得好唔舒服?以為只係小事?分分鐘係中暑先兆。如果處理唔好,好容易會令身體過熱,導致器官衰竭架!
 
其實「中暑」之前,仲會有一個階段叫做「熱衰竭」,如果身體已經出現熱衰竭,就要馬上補救,唔好等到中暑先救!一齊睇吓熱衰竭同中暑有咩特徵,同埋可以點處理啦!
 
1.      體溫



熱衰竭時,體溫會處於微高狀態,令你覺得好似好難散熱咁。而中暑係指體溫過高,尤其掌心、額頭可能會燙手。你需要盡快降溫,除咗飲水,更可以物理散熱,例如將前臂浸到水中、用酒精擦拭手臂、背脊、額頭等散熱位。

仲有咩散熱方法?即睇:
涼住做戶外運動夏天佢可以幫你降溫
 
2.      水份



熱衰竭指身體水份開始不足;而中暑就係水份嚴重不足,特徵係非常口乾、舌頭腫脹、不斷眨眼。呢個時候當然要補充水份,但中暑切忌飲冰水,因為太大溫差會令身體更加唔舒服,飲凍水或常溫水就可以啦。
 
3.      電解質



如果身體唔夠電解質,會出現噁心、全身疲勞、虛弱無力、呼吸衰竭。而運動飲料是迅速補充電解質的途徑。 
 
但請小心,運動飲料唔可以亂飲!即睇:
運動飲品真係可以平時飲?大錯特錯!
 
4.      出汗量



呢點要特別注意!熱衰竭時會流大量汗水,但中暑時會停止出汗,令身體更難散熱!因此明明好熱,但突然冇再出汗,就要特別小心啦!當感覺頭暈時,唔好太快抹走汗水,因為汗水可以幫助身體散熱。
 
唔出汗要驚,咁出太大汗又使唔使驚?即睇:
點解得我咁大汗?出汗太多係咪正常
 
如果你已經中哂咁多熱衰竭或中暑徵兆,除咗以上講嘅針對式處理方法,千其唔好隨便食感冒藥,因為大部份感冒藥含有抗組織胺,食咗反而會妨礙排汗,令散熱更慢!中暑要盡早就醫,以免身體器官衰竭壞死呀!
 
快啲Share俾身邊朋友知,等大家一齊防範中暑!


圖片來源:Men's Health、takhfifan、steelcitybevco、Reference.com

相關文章:
夏天必睇防蠓大法!三招趕走超痕小黑蚊!
原來荔枝唔可以亂食!食荔枝小心有「荔枝病」!
 

EDITED BY CLASSES



新聞資訊