Twitter爆紅電飯煲料理？！懶懶閒自製勁多汁洋蔥炖雞！ - 烹飪新聞 | CLASSES 香港學習資訊平台

懶人料理之選！呢道「洋蔥燉雞肉」基本上乜都唔使做，只要將材料扔哂落電飯煲就搞掂！唔怪得啦喺twitter一炮而紅！？味道仲相當唔錯，一齊睇吓點整啦！
 
由推主eleven__rain分享嘅「洋蔥燉雞肉」賣相超級清新，雞肉仲好嫩滑，洋蔥汁好入味！



首先準備雞肉，小編梗係推薦最嫩滑嘅雞髀。如果想香啲，你可以醃一醃佢～小編自己會加丁點鹽，辣椒粒同芝麻醬。提提你，唔好加豉油蠔油呀，小編朋友試過，由於呢類醬油太易濃，會粘住飯煲底架！如果你係爆級懶人，咁就直接跳過醃肉步驟啦，原味一樣好好食！
 
將雞肉擺入電飯煲，雞皮向下，咁先有煎香嘅效果。
 


再一整粒洋蔥切好，倒入電飯煲，加入黑椒、麻油。如果你嘅雞肉冇醃過，可以放少少鹽。然後？然後就撻著個電飯煲，等開飯啦！
 


嗚呀，洋蔥淋到好似食緊吉野家咁，而雞肉變成煎香雞，好嫩好香！流哂口水未？快啲買材料今晚試一試懶人煲，晚餐有著落啦！
 
資料及圖片來源：NAVER まとめ
 
相關文章：
最萌柴犬屁股！教你自製超可愛柴犬團子！
阿輝是你嗎？！超可愛龜仔抹茶甜品教學！
 

EDITED BY CLASSES