OL注意-7招教你輕鬆清洗保溫杯 - 烹飪新聞 | CLASSES 香港學習資訊平台

OL 成日用嘅保溫杯，坊間好多人講話除咗清水之外，盡可能都唔好裝其他酸鹼值過高嘅飲品，例如：奶類、乳酸、檸檬汁、咖啡甚至係茶，因為會破壞同侵蝕到內膽不銹鋼嘅塗層，釋出有害物，嚴重嘅話分分鐘會會導致金屬中毒添架，而且仲好難洗得甩啲漬同陣味添！咁如果真係無法避免要飲咖啡，咁點補救好？有啲咩係應該做先可以令保溫杯安全又耐用？

1. 忌用力洗杯

太用力嘅話會刮花，釋出有害物。另外亦溫馨提示咁多位唔好用百潔布去刷，因為咁樣都會導致塗層受損架！

2. 基本清潔

唔洗落洗潔精嘅，用熱水洗一洗就得。


圖片來源：thermosdade Dade

如果想再乾淨啲，可以用刷去刷，市面上其實都有好多專門洗保溫杯嘅海綿刷。







再仔細啲想清埋個蓋嘅話，可以用最細 size 嘅壺刷或者軟毛牙刷去清潔都一樣得。


圖片來源：dena-ec.com


圖片來源：roseponpon.blog

3. 用冰粒

唔講唔知原來冰粒其實都可以去污垢架！首先將冰粒放入保溫杯大概 1/4 咁大杯左右，等啲污垢位硬化，然後再加入幾湯匙嘅鹽，將佢搖勻幾分鐘，倒晒啲冰之後用暖水再沖一次個杯，咁就可以輕易清走果啲污垢架喇！


圖片來源：foodandtools.com

4. 用醋

醋本身係一種天然，而且多功能嘅清潔劑，有除臭、去垢、除油等功效。用溫水稀釋醋去浸一浸個保溫杯大概半粒鐘，然後再用熱水沖兩次就可以癖到積咗好耐果陣味架喇！（用洗米水代替醋都同樣 work。）


圖片來源：homedit.com

5. 用梳打粉

梳打粉可以癖味、除污，對於比較頑固嘅茶漬，加少少溫水浸過夜，再刷走保溫杯入面嘅茶漬或者咖啡漬會比較理想。成本低，而且成份天然，唔怕洗傷手。如果都係唔 work 可以試下升級，溝埋白醋雙管齊下！喺保溫杯入面加入 1 份梳打粉加幾湯匙白醋，然後落滾水，佢就會狂「嘔泡」，但期間千奇唔好冚蓋，放洗手盆等佢幾粒鐘之後倒咗佢，再用暖水沖洗乾淨就攪掂。


圖片來源：healthandlovepage.com

一齊睇睇片…

影片來源：Chee Siang Choy (Youtube)

6. 食器去漬粉　

針對茶壺、水杯等細細件嘅廚具，坊間其實仲有一種秘密武器叫做「食器去漬粉／清潔粉」，用法好簡單，杯蓋要分開洗，先鋪一層去漬粉，加滿，浸佢一日，然後再用水清洗乾淨就得可以喇。（至於份量就係大概 1 公斤水就需要溝半個瓶蓋咁多嘅去漬粉）


圖片來源：橘子工坊 Orangehouse 官網

如果再唔得嘅話，可以出埋終極呢一招…

7. 用雙氧水

雙氧水去漬力真係超強，用佢嚟清潔，真係乾淨到好似新嘅一樣，不過佢始終唔係天然野，所以久唔久用下就好喇！而且仲要唔好揀錯咗含有氯化物成份嘅清潔劑，例如：漂白水，如果唔係又會傷到保溫杯內膽果個塗層架喇！（份量：一份雙氧水，半杯暖水溝埋清洗）


圖片來源：pinterest.com

如果都仲仲仲係唔 work，小編只能奉勸大家及早放底呢隻杯，呢幾年佢都攰喇，不如俾佢退役抖抖，買個全新嘅俾自己仲好過啦！你絕對值得擁有。

延伸閱讀：
【打工仔注意】散水餅必買推介
【懶人必學】唔洗焗爐　15款免焗芝士蛋糕

Edited by CLASSES