2018全球十大最好味即食麵-第一位唔通係…？！ - 烹飪新聞 | CLASSES 香港學習資訊平台

Blogger Hans Lienesch喺近日再次公佈全球十大最好味即食麵！經過咁多年嘅公佈，呢個報告已經成為傳統啦！等我哋而家即刻睇下「即食麵之神」喺本年度嘅心水即食麵！
 
第十位：Gookmul Knight Of Ribs（韓國）


 
雖然呢款麵比較貴，但都係值嘅！Hans Lienesch表示特別鍾意調味品包醬，覺得同個豬肉醬好正，而且麵條都好有口感！
 
第九位：出前一丁辛辣豬骨湯味棒丁麵（香港）
 

今年嘅出前一丁又入圍啦！Hans Lienesch表示麵條夠幼又夠直，又有咬口！而且唔係太辣，所以唔會遮咗豬骨湯底嘅味！
 
第八位：台酒白酒帕式達（台灣）


 
呢個品牌嘅即食麵通常都會加入酒，Hans Lienesch表示今次嘅酒味同培根都好夾，覺得非常好味呀！
 
第七位：老媽拌麵老成都擔擔麵（台灣）


 
又係台灣品牌入選！Hans Lienesch表示今次呢個麵係非油炸，調味料有辣椒油、麻醬、醬油，撈埋一齊有唔同嘅層次，仲有四川嘅味道！
 
第六位：紅廚青酸辣湯麵（馬來西亞）


 
Hans Lienesch表示佢最鍾意就係試新嘢！今次個麵配搭都好特別，酸酸辣辣咁，就好似將冬蔭同青咖哩撈埋一齊，非常好味！
 
第五位：百勝廚咖哩拉麵（新加坡）
 


呢款麵已經第三次上榜！Hans Lienesch表示麵條夠粗又好咬，將咖哩同椰子粉撈埋一齊真係食到停唔到口！
 
 
第四位：CarJEN Nyonya Curry Laksa（馬來西亞）



呢款麵係一定要推薦嘅，Hans Lienesch表示呢個喇沙湯底喺椰奶同其他醬料之間平衡得好，再加埋辣蝦真係冇得彈呀！
 
第三位：MyKuali檳城白咖哩麵—2018 （馬來西亞）



呢款麵曾經轉過食譜，到咗2018年就轉返去Hans Lienesch原先鍾意嘅口味！Hans Lienesch表示咖哩湯底夠濃厚，當中嘅辣味好獨特！
 
第二位：紅廚櫻花蝦辣湯麵（馬來西亞）
 

 
Hans Lienesch表示個湯底夠濃厚又唔油，好重嘅甜蝦味，當中嘅炸洋蔥更加係令碗麵提升咗呀！
 
第一位：百勝廚叻沙拉麵（新加坡）



呢款麵已經第三年上榜啦！Hans Lienesch表示當中嘅湯底有豐富嘅材料，加埋有咬口嘅麵條，成個配合真係非常好呀！
 
資料及圖片來源：The Ramen Raters
 
重溫2016年及2015年的「十大最好味即食麵排行榜」：
2017全球十大最好味即食麵
2016全球十大最好味即食麵
 

EDITED BY CLASSES