2016全球十大最好味即食麵 - 烹飪新聞 | CLASSES 香港學習資訊平台

每年呢個時間，全球飲食界都會有一股搶購即食麵嘅熱潮？唔知點解？因為一年一度嘅全球十大最好味即食麵排行榜又出咗喇！
 
一如既往，美國即食麵發燒友 Hans Lienesch 再次食盡世界各地嘅即食麵，而喺過去一年食過嘅357種即食麵裡面，佢喺日前就公佈咗自己10名心水至愛，最好味嘅即食麵！結果係點？即刻揭曉！


第一位：百勝廚喇沙即食麵



呢包即食麵，自上榜之後，都未曾跌出過3甲！今次仲係繼2013年之後，再度踞列榜首！咁到底係 Hans Lienesch 口味變咗，抑或係包麵改良咗呢？


第二位：MyKuali 檳城辣蝦即食麵



MyKuali 檳城即即麵其實成日都上榜，但今次第二位嘅就竟然係未上過榜嘅「辣蝦味」，仲打低咗品牌下嘅其他對手！睇嚟要試下喎！


第三位：佳珍娘惹咖喱喇沙即食麵


上年排第4位，今年就升一級，踴入三甲位置，真係愈戰愈勇！咖喱溝埋喇沙，呢種咁有風味嘅即食麵嘅吸引力真係唔可以睇少喎！


第四位：My Kuali 檳城冬蔭公即食麵


由去年第一位跌咗落第五位，原因不詳。不過，依然都係全球十名之內嘅話，就點都值得試下啦！


第五位：百勝廚咖喱風味全穀即食麵




新嘢！其實，喺過往幾年，百勝廚咖喱風味即食麵已經係十大即食麵名單之內。不過，今年入圍嘅係用咗全新食譜去製作嘅全穀即食麵，雖然大家都係咖哩味，但係麵嘅質感係決定即食麵嘅「生死」關鍵。


第六至十位焦點所在

• 首次有中國代表入圍十大最好味即食麵，真係證明即食麵之神係無歧視，咩都敢試！排名第七嘅「五谷道場蕃牛肉味私房五穀即食麵」就係嚟自中國，各位Classmate又會唔會買番包試試？
• 通常即食麵都係湯麵，不過今年第9位竟然係拌麵（即係撈麵），嚟自台灣。
• 以往入圍嘅十名都不外乎新加坡、馬來西亞、泰國、日本、韓國、台灣等，但今年就有斯里蘭卡同緬甸！

詳細排行榜如下：

排名	全球十大最好味即食麵 - 2016 年排名	產地	過去排名
1.	百勝廚喇沙即食麵	新加坡	2015（第3位） 2014（第2位） 2013（第1位)
2.	MyKuali 檳城辣蝦即食麵	馬來西亞	---
3.	佳珍娘惹咖喱喇沙即食麵	馬來西亞	2015（第4位）
4.	My Kuali 檳城冬蔭公即食麵	馬來西亞	2015（第1位）
5.	百勝廚咖喱風味全穀即食麵	新加坡	---
6.	My Kuali 檳城白咖喱即食麵	馬來西亞	2015（第2位） 2014（第1位）
7.	五谷道場番蕃茄牛肉味私房五穀即食麵	中國	---
8.	Prima 住食麵忌廉雞湯即食麵	斯里蘭卡 / 新加坡	---
9.	曾拌麵	台灣	---
10.	MAMA 麵（椰奶味）	緬甸	---

十大最好味即食麵主要都係嚟自亞洲，同上年差唔多！小編可以99%肯定，即食麵之神係對亞洲即食麵情有獨鍾，幾適合嚟亞洲搵食！想知過去幾年戰況係點，不如一次過重溫返啦！


相關文章：
2015 全球十大最好味即食麵
2014 全球十大最好味即食麵
2013 全球十大最好味即食麵

 
資料來源：The Ramen Raters
圖片來源：My Kuali 、百勝廚及阿里巴巴的官方網頁

Edited by CLASSES