點先稱得上真正越南菜? - 烹飪新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 烹飪
  • >
日期:2017年02月21日
點先稱得上真正越南菜?
點先稱得上真正越南菜?

到底點先可以叫越南菜?係咪只要用上檬粉,加咩配料都係越南菜?當然唔係!等小編帶大家睇吓令人流哂口水嘅正宗越南菜有咩花款啦!

1. 碎米飯



一講起越南菜,除左講湯檬撈檬,不得不提碎米飯!作為越南地道菜式,碎米飯要以越南入口香米再混合椰青水煮成白飯,呢種與眾不同嘅煮法可以增加飯嘅香味同口感。點解叫碎米飯?唔係啲米夠碎,而係包含好多其他碎濕濕嘅配料,例如豬肉碎、木耳絲、粉絲、焗蛋,如果再加埋一塊豬扒一齊上,咁就夠哂完美啦!

2. 「古法燒椰青大蝦」



燒椰青大蝦相對冇咁平民,但的確係越南當地高級餐廳必備菜式!用原個椰青做整道菜嘅主要材料,先取椰青水,用嚟烹煮越南大蝦,令大蝦帶有清甜椰香味,而椰青水因為煮過越南大蝦,都會有啖啖後鮮甜香蝦味。之後再將椰青水同越南大蝦放返入椰青內奉碟,咁客人就可以一邊品嚐彈牙大蝦,一邊喝椰青蝦湯,齒頰留香~~你啲口水流落嚟未?
 
3. 「雞蛋咖啡」



雞蛋咖啡係越南河內嘅名物,但大家又知唔知正宗雞蛋咖啡嘅做法同起源?其實雞蛋咖啡唔係真係溝埋一齊就夠,要將蛋黃加越南煉奶打成蛋黃醬,再倒入高溫嘅越南咖啡當中,再加上一層起泡蛋白。大家飲嘅時候,可以先飲一啖蛋白同咖啡,再將蛋黃和咖啡搞勻,就會發現入口順滑好多,味道亦非常獨特,中和咗越南咖啡的苦澀味道,絕對不容錯過!
 
原來基於越南係盛產咖啡嘅國家,本來做咖啡就係常事。但喺以前物資短缺嘅年代,牛奶非常珍貴,人民就利用民間智慧,將雞蛋取代牛奶,巧妙地創出別具風格嘅雞蛋咖啡。依家雞蛋咖啡已經唔係廉價嘅替代品,而係無可取代嘅特色飲品~
 
仲有好多經典正宗菜式,不能盡錄啊……(再錄小編啲口水就流到落大髀)而小編搵到關於美食天堂荃灣就有一間超正宗越南餐廳,菜式跟足以上正宗做法!佢有齊上面三款推介不特止,仲有好多其他好玩菜式,連牙車快都有!想知咩係牙車快?快啲去試吓啦~~

嚐越Deli Viet
地址:荃灣眾安街荃灣千色匯1期1樓1023號舖
電話:2320 2632


相關文章:
唔係叮叮!7仔出現咗自選兩餸飯同車仔麵?
CLASSES Kitchen:足料港式蘿蔔糕

EDITED BY CLASSES



新聞資訊