落糖都要落得啱！ - 烹飪新聞 | CLASSES 香港學習資訊平台

超市出售嘅黑糖、紅糖、黃糖、咖啡糖、白砂糖、片糖等等，咁多種類點揀呢？邊隻糖係最好？其實係唔同嘅煮食情況下，答案都會唔同！今次教你點落糖先落得啱！

根據營養師表示，白砂糖，紅糖，冰糖主要成分都是蔗糖，營養價值方面，白砂糖，冰糖除了蔗糖和水外，就無其他營養素，而紅糖就會多咗鈣，鐵、洛等礦物質。此外中醫認為冰糖補中益氣，和胃潤肺，而紅糖性味甘，可以健脾，暖胃，益氣，對孕產婦有調理氣血嘅功效。

一、飲咖啡或茶

建議揀：白糖、黃糖

香港人飲茶類飲品（檸檬茶、奶茶）就一定會落白糖（White sugar），咁咖啡呢？大部分香港人都會落咖啡糖（Brown Sugar）有咖啡店師認為，源自歐洲嘅意式咖啡按傳統會落白砂糖，甚至是比砂糖更幼身嘅糖粉。但咖啡文化傳到亞洲，咖啡跟糖同奶嘅概念已很普遍，亦無分落白糖定係黃糖先傳統正宗，糖嘅選擇可按個人口味而定。


（相片來源：網上圖片）

二、焗曲奇及烘焙食品

建議用：白糖、糖粉

作為烘焙原料，糖粒一定要幼滑。一般曲奇餅會用白砂糖，做出黎嘅曲奇會脆身，如果轉用黃糖就會變得鬆化，因為黃糖本身較砂糖鬆散，做出嚟嘅曲奇自然鬆化啲。而糖粉（Caster sugar）係由白砂糖製成，色澤潔白幼細，易於溶解，可以均勻混和其他材料，所以都好適合做烘焙，但糖霜（Icing sugar）大多用來裝飾蛋糕面，因為糖霜成份係糖及粟粉，所以兩樣野唔同架！
 

（相片來源：網上圖片）
 

三、中式糖水

建議用：紅糖、冰糖

日常煮中式糖水，可以用紅糖或冰糖，咁兩者有咩分別呢？

冰糖味甘、性平，入肺、脾經，有補中益氣，和胃潤肺嘅功效，都可養陰生津，潤肺止咳，對肺燥咳嗽、乾咳無痰、咯痰帶血都有好好嘅輔助治療作用，所以一啲以滋潤清淡為主嘅甜品，如冰糖雪梨水、冰糖燕窩、冰糖木瓜雪耳湯等都用冰糖。

至於紅糖，又叫黑糖、赤砂糖，係一種未經提純嘅糖，在中醫角度具有補血、破瘀、緩中、散寒等功效，可煮紅豆沙、湯圓、蕃薯糖水等較濃嘅糖水。

咁片糖呢？其實市面上嘅片糖或者黃糖，大多由白砂糖再加色素而製成，糖嘅營養都會被破壞，所以要揀啱嘅牌子先有保障。

 
（相片來源：網上圖片）

學咗咁多，以後要識落糖啦！

Edited by CLASSES