最萌柴犬屁股！教你自製超可愛柴犬團子！ - 烹飪新聞 | CLASSES 香港學習資訊平台

小編再重申：係柴犬唔係柴狗呀！無論你有冇養柴犬，你都無法抵抗佢呢個呆萌樣！！好想咬一啖柴犬屁屁呀～～依家有機會啦！學識呢味柴犬團子，以後柴犬嘅屁股就任你咬啦哈哈哈哈哈！



今次可愛嘅食譜係由초의 데일리쿡自創，做出嚟嘅狗屁股超級彈手！！當然仲有柴犬一幅蠢蠢嘅傻臉......小編要暈啦～～暈之前，教埋大家點整先！

準備材料：

1.  醬汁
清水2湯匙
粟粉1湯匙
黃糖15g
清水90ml
白酒18ml
豉油15g
 
2.  團子
糯米粉100g
白糖2湯匙
熱水60ml

3. 裝飾材料
士多啤梨2粒
黑芝麻少許
紫菜乾兩片
長竹籤數條
 
做法：

1.      將2湯匙清水和粟粉混合，攪勻。


2.      製作醬汁，將90ml清水、白酒、黃糖、豉油倒入鍋中，攪勻，用中火加熱。


3.      沸騰時加入粟粉及清水的混合物，並不斷攪拌，直至變成粘糊狀。


4.      準備一個玻璃盆，倒進糯米粉及白糖，攪拌時逐點加入熱水，搓揉成粉團。


5.      粉團取出一小部份（大小如下圖），搓成圓形。


6.      利用大姆指和食指，揑出兩隻狗耳朵。




7.      粉團取出一小部份（大小如下圖），搓成心形。


8.      搓一粒小粉團，並在心形正中間沾上一點水，再把小粉團粘上去，作柴犬屁股。


9.      將剩下粉團揑成小粒團狀，以作裝飾之用。
10.  煮沸一鍋水，把團子放進去煮透，注意別粘著，需要不斷攪拌。


11.  熟透後，把團子放進冷水冷卻，不斷輕力攪拌。


12.  用竹籤把團子串起，兩粒一串，放在碟上。


13.  用掃子沾上醬汁，將柴犬耳朵及屁股上色。


14.  將兩粒黑芝麻放在耳朵下方，當作眼睛。


15.  用剩餘少量的粉團捏成飯粒狀，作眉毛。


16.  將紫菜乾剪成及匙孔狀及絲狀，作嘴巴及屁股。


17.  將士多啤梨切半，放在耳朵上方，頂部再放一粒小粉團，作帽子。

 
超級可愛嘅柴犬團子咁就大功告成啦！小編完全唔捨得食佢落肚呀！

 
快啲分享俾心靈手巧嘅朋友，一齊玩柴犬啦！（咦？）

（資料及圖片來源：초의 데일리쿡@youtube）

相關文章：
阿輝是你嗎？！超可愛龜仔抹茶甜品教學！
 

EDITED BY CLASSES