慳皮、方便、性價比從來都係家庭主婦最 concern 嘅野,特別係佢哋日用夜用嘅煮食法寶(某程度上係佢哋嘅搵食功具嚟架)。其實除咗近排 hit 到離晒地嘅燜燒杯之外,今年日本仲有款新興嘅煮食神器 BRUNO 溫熱鍋盤都好矚目下架,雖然香港好似仲未有得賣,但係相信你哋睇完佢個樣,都可能會念念不忘,對佢嘅愛有如人妻最愛追嘅廚具品牌 le creuset 一樣,唔買番個做紀念唔得。唔同嘅係,你一定用得著,唔會齋放!
溫熱鍋盤輕盈小巧、易收藏,雖然面積只得 A4 Size 咁大,但係功能好齊全,而且溫度可以去到 250℃,絕對可以夠熱煮熟食物!可以整啲咩食?燒肉、海鮮燉飯、漢堡包、rice burger、水煮魚、千層面(保溫) 咩都得,就連章魚燒都可以整埋,因為佢其中有件配件正正就係章魚燒嘅模型盤,聽講用呢舊野整埋紙包蛋糕、朱古力火鍋、芝士火鍋、抹茶鍋、紫薯鍋都仲得!現時 BRUNO 官網果邊就公佈就話暫時有紅、白、粉紅同埋限量版嘅青色四種顏色揀,外型嘅討喜程度真係不下於其他有名嘅廚具架!