神奇法寶-買番屋企美白牙齒-Haring-B家用式美白牙套 - 美容新聞 | CLASSES 香港學習資訊平台

記得若干年前小編有個同事花咗成幾千蚊去牙科診所做 LED 美白牙齒，不過見到佢做完又唔戒口，Keep 住繼續又濃茶、可樂、兼咖啡，結果真係唔到大半年又要再去多次。雖然牙有茶漬係一件好平常不過嘅事，但係如果下下要等到洗牙先去理，就真係會太遲，即使冇茶漬，都唔會白雪雪咁完美啦，點都會有少少米黃色嘅！唔想堆積咁耐先嚟一次過俾人放到一頸血兼經歷一次驚心動魄嘅洗牙之旅？（睇牙醫好恐怖架嘛，免得過都唔想打攪佢啦！）咁就要搵岩方法至得喇。

市面上嘅美白牙齒產品琳瑯滿目，但聽落最 in 同最 work 嘅怕且都係 LED 光線機喇！就好似脫毛一樣，都係打彩光或者激光，個效果先係最理想。以往都只係聽聞喺牙科診所先可以有 LED 機美白牙齒嘅配套，但係小編啱啱就收到風，香港終於有呢種 LED 機，而且仲可以買番屋企慢慢用。早排喺網上發現到美國品牌 Haring B 而家有得訂呢種喺韓國紅到開巷嘅美白牙套連 LED 光線機。仲好似唔洗五舊水，超抵呀！而且用法又好似好簡單，而且重點係唔會痛，小編遲下就會訂嚟試下，橫掂自己又咁怕牙醫，又唔想刷唔甩啲「煙屎牙」。


圖片來源：haringbnow.com

用法仲要係簡單到你唔信：（你都可以做牙醫呀！XD）

1. 首先自製咗牙套先，準備 70-80℃ 嘅熱水或者微波爐將水叮熱 3 分鐘，再將 Haring B 牙套放入去浸 15 秒，咁個牙套就會變軟，到時就可以將牙套套喺牙上，用手按實，等個牙套痴實啲牙就可以鬆手，屬於自己牙型嘅牙套咁就成形喇！如果失敗咗都唔緊要，再重覆做多次上面嘅步驟就可以架喇！


圖片來源：haringbnow.com

2. 之後搽上美白膠劑，Haring B 組合入面有支棉花棒狀嘅維他命 E GUM SHIELD，打開咗頂部等棉花濕透之後就均勻咁搽喺牙床同埋咀唇上。（但切忌搽喺牙齒上，因為會影響個美白效果）
個步驟好簡單，但必須記得正確嘅次序，首先用紅色注射器嘅美白膠劑先，然後用少量（大概 1-2 格）搽喺牙上面，再用 LED 光照大約 15 分鐘後用清水洗兩次。之後輪到白色果支美白膠劑，用極少量（比頭先更少，大概 1 格就得），今次淨係搽喺牙齒上面就得，牙床同咀唇就唔洗。




圖片來源：haringbnow.com

3. 最後用 LED 光線照射，拎走電池上面塊膠片，入好電，按白色掣就可以用。以往只能喺醫院先可以用到呢種 LED 光線機，但而家就可以等你可以安坐家中都用得到呢種技術！不過記得一樣野，就係用之前或者之後嘅 30 分鐘都唔好刷牙或者用牙線。


圖片來源：haringbnow.com


圖片來源：haringbe (Instagram)

4. 隨產品仲會附送一個 tester 「亮白對照表 SHADE GUIDE」等你可以 mon 住同對照住啲牙變白嘅過程。


圖片來源：haringbnow.com

訂購網站：http://www.haringbhk.com/
價錢：$481.93 (For 1 starter kit)
Haring B 套裝配件：LED 燈 1 支、膠牙套 2 個、紅色同白色針筒狀美白劑各 1 支、特製棉花棒 5 支、牙齒亮白對照表 1 份。

延伸閱讀：
【仙氣《奶酪》妝】單眼皮美妝三步曲
【韓妹神級妝物：頭髮專用陰影粉】

Edited by CLASSES