礦物粉其實係啲乜嚟 - 美容新聞 | CLASSES 香港學習資訊平台

想化妝又唔想太傷皮膚？呢個應該係每位女士們都趨之若鶩的事！前排大熱到不行了嘅氣墊粉底賣點正正就係大家所追求嘅水潤、清透自然妝物，淡得嚟又遮得到，又唔傷皮膚。如果想再天然啲，其實礦物粉都係一個唔錯嘅粉餅選擇。

礦物粉其實係啲乜嚟？

相對冇咁多人知嘅礦物粉其實早就出現咗好耐，礦物粉係純天然嘅，蘊含豐盈滋養嘅礦物成分；遮瑕度高，每次用少少就 OK，唔洗搽太多，而且直接上粉就得，唔洗搽任何 Base；礦物粉質地比較幼細，所以好容易就可以上到粉，令你嘅膚色望落更自然、幼滑同貼服。另外，佢唔似得一般化妝品咁，含有石油副產品或者其他對皮膚唔好嘅有害物質，例如：油分、防腐劑、香料，所以唔驚會阻塞毛孔或者刺激到皮膚，敏感肌都岩用呀！ 

礦物質係一種無生命嘅物質，能有效防止細菌生長，當中嘅物理性氧化鈦具防曬同抗炎作用，同時又有極明顯嘅修飾效果，而且不帶任何過敏源，唔會引致敏感。正因礦物質所含嘅色料唔會被溶解，唔會滲入皮膚底層，所以唔洗驚色素會沉澱。

用法好簡單，你只須：

1. 將適量粉底輕輕倒落個蓋到；
2. 用化妝掃喺蓋上打圈，均勻咁掃上礦物粉；
3. 均勻咁喺塊面掃上礦物粉，記得要用打圈嘅方法，要加強效果嘅位置可以重手少少；如果要遮瑕，可以直接掃喺果個位置上，然後慢慢推開。

坊間好推介：

1. KIDE MSCHIC

要有要求，天然野，價錢相對比較貴都係一件好合理嘅事，芬蘭品牌 KIDE 就真係深得女士們熱捧，原因係化出嚟個妝會好有光澤，同埋夠晒 Long lasting，而且標榜全天然，冇其他有害物質。口脾好，真係贏晒架！


圖片來源：saladblog.com


圖片來源：kidecosmetics.com

價錢：約 $650
網址：http://en.mschic.com/ (Web Store)

2. Bare Minerals

聽過好多空姐朋友講，美國品牌 Bare Minerals 嘅礦物粉簡直係佢哋飛長途果陣嘅恩物呀！有傳話呢隻粉一啲都唔傷皮膚，瞓教可以唔洗卸妝。（呢個當然係見仁見智啦，因為就算冇化妝，基本嘅清潔其實都要有，事關香港真係太多塵喇。）最大嘅賣點係佢夠晒高效持久，可以 keep 全日唔洗補粧都得。


圖片來源：thesundaygirl.com

Bare Minerals 針對失調肌膚出了全新礦物抗炎零毛孔粉底「EMISH REMEDY Foundation」，當中加入咗北美樺樹精華同茶樹油，能更有效促進細胞更生、去角質，同埋有消炎抗菌功效，急救暗瘡粉刺等問題，等你安心化妝嘅同時亦可以呵護肌膚。


圖片來源：bareMineralsHK (Facebook 專頁)

價錢：約 $275 (皇牌礦物粉底) / 約 $250 (礦物抗炎零毛孔粉底)
地址：銅鑼灣崇光百貨 B1 樓專櫃 / 銅鑼灣連卡佛專櫃 / 尖沙咀海運大廈 Facesss 專櫃 /尖沙咀 The One Beauty Bazaar 專櫃 / 旺角朗豪坊 Beauty Avenue 專櫃

3. Pierre Couleur

日本品牌 Pierre Couleur 嘅 100% 礦物有機防曬慕絲粉底日霜夠晒滑，又易推，事關佢唔係粉狀，而係 Mousse 狀質感粉底液嚟！佢總共有四款膚色俾你揀，可以上幾層，咁個遮暇效果就會好 perfect 架喇！用上法國農場嘅植物油去做嘅化妝品，20 種成份入面，有 8 種都係天然有機植物油，加埋其他天然礦物質，絕對唔傷皮膚，仲有埋防 UV 功效，令肌膚全日 Keep 住明亮潤澤，你唔會唔 BUY 掛？


圖片來源：glamourous.asia

價錢：約 $560

延伸閱讀：
咬唇妝以外的大熱朱古力唇妝
進可攻，退可守　你都可以剪【LOB女神頭】

Edited by CLASSES