化妝袋必備-氣墊粉餅推介及正確使用法 - 美容新聞 | CLASSES 香港學習資訊平台

想肌膚水潤透薄有光澤之餘，仲要完美無瑕？要試真正嘅高清透薄裸妝，想必要由粉餅開始入手。韓國氣墊粉餅呢種「美容技術」簡直就係女士們夢寐以求嘅寶物。佢就好似屆乎粉餅同粉底液之間，偏濕嘅粉餅咁，搽上臉就更加貼服，保濕效果一流。望住佢，真係有啲相逢恨晚嘅感覺，你話早多幾年遇到佢你話幾好呢！咁小編就唔洗成日爛臉爛到越爛越要遮，最後形成惡性循環係咁暗瘡無限 loop 喇。

氣墊粉餅越出越多，有 innisfree、雪花秀、ETUDE HOUSE、LANEIGE、banila co 等，但其實唔只韓國，就連歐美地區嘅品牌（例如：LANCOME），都陸續出現呢款神奇妝物。大家要搵岩適合自己皮膚嘅氣墊粉餅其實真係唔難，但係唔知你又知唔知道，原來點樣適當咁用氣墊粉餅亦係一種學問！熟讀以下小心得，包你化得更似韓妹呀！

1. 集中喺粉撲中間用力印

我哋平日用普通粉餅，係會用晒成個粉撲去撲，但係呢款氣墊粉餅就絕對唔可以咁樣。你只能將度力集中係粉撲中間，然後輕輕咁印上塊臉度，記得千其咪用推嘅方式呀，用「拍」好喇！


圖片來源：beautybyty.com

2. 力度平均地連續輕拍數次

化妝不知不覺重手咗，應該係唔少愛美女士們曾經犯過嘅小錯，特別係咁自然透薄嘅氣墊粉餅。所以切記喇，力度要平均，而且輕輕咁拍上臉就得。

3. 上妝次序你要知

如果想遮瑕就應該針對果個部位開始先拍一層，即係紅印、暗瘡印、疤痕、色斑等位置。千其唔好成塊臉一次過拍多幾層呀，最緊要平均自然！




4. 第一次試，量可輕一點

上呢個氣墊妝，最好就唔好咁貪心，只係輕輕咁拍一層就夠，唔洗太大力，事關咁樣會冇咁容易甩妝同埋會平均啲，唔怕太濃番唔到轉頭，唔夠咪輕輕補多層，進可攻，退可守呀！

5. 蘋果肌位置可加多一點

如果喺蘋果肌位置拍多一啲氣墊粉，就可以素造到一個比較有光澤用埋飽滿嘅 cute cute 臉型，就好似而家啲韓妹，有少少 baby fat，臉紅紅咁，夠晒 Kawaii 呢！ 

6. 留意容易被忽略嘅細節位

雖然話就話唔好成塊臉一次過上氣墊妝，但都唔可以唔記得咗其他「暗角」位置，例如：額頭髮線位、嘴角同埋鼻翼兩邊。

好物推介：

Innisfree 水凝亮澤氣墊粉底 $190



Lancôme 瞬白亮肌氣墊粉底SPF23/PA++ (清新水盈妝感) / 全新瞬白無瑕氣墊粉底SPF50+/PA+++ (柔煥絲滑妝感) 補充裝 $290 粉盒 $100




ETUDE HOUSE Any Cushion $188




雪花秀 (Sulwhasoo) 緻美氣墊粉底 $430



延伸閱讀：
【頭髮不再塌下來】讓髮量 Volumn up 的造型霧粉
礦物粉其實係啲乜嚟

Edited by CLASSES