再見，熊貓眼 - 美容新聞 | CLASSES 香港學習資訊平台

小編自從入大學，就成為一個夜貓。無論係趕paper，唱K，同朋友吹水，總之唔到兩三點都唔會訓。所以小編嘅黑眼圈好深好深，令人覺得自己總是一臉憔悴，試過用遮瑕膏都唔work，用去黑眼圈嘅眼霜亦都無用。朋友甚至問過「你個眼影係唔係未卸乾淨啊？」
 
其實廿幾歲女嘅黑眼圈一般都係由於生活作息唔正常，過度疲勞造成眼部附近微血管血液循環不好，使血液量增多，較暗的靜脈血沉積於眼眶周圍薄嫩皮膚處，就形成了黑眼圈。其實眼周是全身最脆弱的皮膚，唔好好護理點得？
 
經過小編上網搜尋一番，發現以下方法最值得分享：
 
方法一：薯仔片敷眼
薯仔去皮清淨，切成約2cm厚片。仰臥，並將薯仔片敷在眼上，約5分鐘後用清水洗淨。夜晚敷更可達致消腫效果！
 
方法二：綠茶包敷眼
將喝完的綠茶包靜置至完全乾燥後在雪櫃裡冷藏半個小時，敷在黑眼圈上20分鐘。
溫馨提示：茶包一定要足夠乾燥，否則茶的顏色可能會留在眼部，反而加深黑眼圈。
 
方法三：眼部按摩
每日起床或者使用眼霜時，以畫圓圈方式，輕柔細緻地按摩眼周，讓眼霜慢慢的吸收，再用無名指輕輕拍打眼周皮膚大約100下。
 
小編認為，市面上的去黑眼圈奇效眼霜或一些快速消除黑眼圈法都未必可以真正解決黑眼圈的煩惱，女性們想要真正擺脫「熊貓眼」，除了內服外用，更重要還是改善生活習慣，早點訓吧！

Edited by CLASSES