仙氣-奶酪-妝-單眼皮美妝三步曲 - 美容新聞 | CLASSES 香港學習資訊平台

自古以嚟，大家對美醜肥瘦嘅定義都成日轉，就連以前好多明星都爭住去割嘅雙眼皮都開始「負皮」如潮，真係估你唔到三千呀！明明我哋平時只係接受到韓國型仔 oppa 單眼皮架遮！因乜解究連女仔都想放棄自己個靚靚雙眼皮；一向「內雙」眼皮嘅女仔都棄用佢哋支雙眼皮膠水，而專登化番個單眼皮妝？一句到尾都係為仔啦！之唔係人氣拍得住「都敏俊」嘅《奶酪陷阱》男神朴海鎮。

拿...認唔認得佢呀？《來自星星的你》入面個男二呀！


圖片來源：奶酪陷阱【Cheese in the Trap/치즈 인 더 트랩】(Facebook)

以前大部份韓劇女主角唔係大眼、間尺鼻就係 V 煞臉，而家呢位《奶酪》女主角就冇齊上述嘅條件，但佢極度「無害」而且又好鬼死特別嘅單到不能再單小眼睛真係令人耳目一新，陣陣學生時代清澀嘅氣息浮晒出嚟。如果各位絲打都想學似金高恩咁萌得住男神，就要識做，化番個天然「零造作」嘅 cute cute 奶酪單眼皮妝，包你由鄰家女孩搖身一變成為新一代仙氣女神！記住，仙氣女神嘅定義係人間少有，而不帶一點俗氣。





圖片來源：奶酪陷阱【Cheese in the Trap/치즈 인 더 트랩】(Facebook)

單眼皮女生是塊寶，識化一定係淡淡哋咁化：


圖片來源：프롬핸fromhaen (Youtube)

單眼妝三步曲：

1. 清新零瑕底妝

套戲係講大學生嘅校園生活，妝當然要化得夠清、夠淡先夠青春，個底妝最好就緊係透白無瑕啦！所以可以透出肌膚自然光感嘅氣墊粉餅最岩用。而劇中女主角所用嘅係韓國品牌 LABIOTTE 嘅水漾花朵氣墊。


圖片來源：라비오뜨 – labiotte (Facebook)

Innisfree 水凝亮澤氣墊粉底 $190 / 15g



2. 淺色眼影 x 平拉眼線

眼窩用最自然嘅大地色或者淺橙色嘅眼影打底，然後用深啡色眼影加深眼尾位置，慢慢向外推開，形成三角形。




再用深咖啡色眼線筆或眼線液喺眼尾部份平拉眼線，眼尾順住眼角拉長少少。用棉花棒將眼線印開，再用尖頭棉花棒修飾到隻眼望落有啲下垂嘅感覺。




如果想望落更加純真無邪，可以試下喺眼窩中間位置加番一層比較亮澤嘅珍珠色眼影，最後，睫毛液方面，大家就可自行選擇用唔用架。


上述圖片來源：프롬핸fromhaen (Youtube)

ETUDE HOUSE 10色眼影組合 (Play Color Eyes in the Café) $250 / RMK 幻彩三色眼影組 #02 #390



Lancôme Crayon Khôl 眼線筆 #啡色 $150


圖片來源：Lancôme 官網

3. 貼近唇色嘅蜜桃色唇膏

雖然家下興咬唇裝，唔止韓妹們，就連港女們都好 LIKE 搽到個咀好紅，但係呢，要成為屬於小眾嘅仙氣女神，搽唇膏當然就要 match 番個妝咁清啦，所以 nude 色或者同膚色相近嘅 peach（蜜桃色），淡淡地就最好不過喇！其實唔洗下下漸變色；咬晒唇咁先叫靚嘅，咀唇有番啲自然光澤有時都唔錯架，睇落都年青活力過人先啦！


圖片來源：프롬핸fromhaen (Youtube)

SHISEIDO MAQuillAGE 柔霧雙色唇膏#50 $210 / Shu uemura豐盈閃亮唇膏系列 #18 $220 / 3.4g


圖片來源：shu uemura (官網) (右)

延伸閱讀：
礦物粉其實係啲乜嚟
咬唇妝以外的大熱朱古力唇妝

Edited by CLASSES