柚子豬仔包與得意熊貓包工作坊 | CLASSES 香港學習資訊平台

今時今日整點心，賣相與味道同樣重要～！今次 Studio Pretzels 工作坊教大家整柚子豬仔包同埋得意熊貓包，兩款造型好似 Tsum Tsum 咁呀！望住佢哋呢個懶懶閒樣，係咪覺得治癒到唔捨得食呢？
 

 
豬仔包真係有豬仔～豬仔包唔止設計新穎，連餡料都好特別，係豬頸肉呀！老師設計內餡時糅合咗中西手法，用特調柚子醬汁配上彈牙肉質，一啖就品嚐到中式包點香軟同豬頸肉爽脆嘅口感，層次好豐富！粉紅豬仔表示：你搵唔搵到我條頸？



咦？咪住，咁熊貓包入面咪有……？放心放心，唔係熊肉貓肉，係甜甜黑芝麻餡呀～鹹食甜食都有齊哂，學識之後以後整包冇難度！仲唔快啲嚟報名？



今次工作坊喺 Studio Pretzels 嘅場地進行，由有「點心名師」之名嘅怪師父傳人 Kim Tso (柑柑老師)教授。柑柑老師本身對烹飪非常感興趣，善於將創意融入美食。

後來柑柑老師報讀「怪師傅」烹飪課程，仲成為咗「怪師傅」創辦人、著名中式甜品師劉傑盛師傅嘅入室弟子，學餘時協助打理怪師傅嘅烹飪工作坊。柑柑老師畢業後，全身投入烹飪工作坊，十年間喺師傅身旁學習，盡得真傳。直至怪師傅辭世，柑柑老師決意繼承師傅衣鉢，將師傅嘅食譜心得及對烹飪熱誠傳承落去。

工作坊內容
   ♦ 製作兩款包點（柚子豬仔包及得意熊貓包）
   ♦ 造型示範及實習
   ♦ 學員可取回柚子豬仔包四個及得意熊貓包四個

工作坊詳情

日期：2016年11月4日（星期五）
時間：19:30 - 22:00
 
日期：2016年11月12日（星期六）
時間：15:00 - 17:30
 
日期：2016年11月27日（星期日）
時間：15:30 - 18:00
 
日期：2016年12月4日（星期日）
時間：16:00 - 18:30
 
地點：九龍觀塘鴻圖道76號聯運工業大廈14樓F單位
費用：$420/位

注：學員請自備合適的容器出席，以便帶走製成品。

＊即時按「馬上登記」，自動成為CLASSES 會員，填妥資料便可參加。成功報名後，閣下將會收到電郵確認信。