邪惡至極-全港必試瘋芝美食 - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2016年03月17日
邪惡至極 全港必試瘋.芝美食
邪惡至極 全港必試瘋.芝美食

根據小編非正式統計所得,原來唔少人都覺得「芝士」係世間上最邪惡嘅美食,雪糕、炸雞同朱古力甜品都唔夠佢嚟,只要睇到嗰啲芝士好似岩漿咁,大家嘅眼球就會被吸引!唔講咁多,今次小編就帶 Classmates 去試勻全港必食嘅芝士乜乜乜!

1. 西多最高境界——流心芝士西多士

當大家以為西多士加入咗綠茶、紅豆或者奶黃,變成流沙西多,已經無得再升級嘅話,你就真係太睇小香港人嘅創意喇!呢間喺荃灣嘅冰室就推出咗「流心芝士西多士」,西多加流心,仲要加入芝士,仲唔係西多嘅最高境界?小編同朋友食過,覺得幾特別,雖然不及心太軟流心,但係食落有芝士嘅鹹香,又有西多嘅風味,滿足曬芝士迷啦!

 
圖片來源:mmhochau IG

紅茶冰室
荃灣德士古道47號
Facebook: https://www.facebook.com/%E7%B4%85%E8%8C%B6%E5%86%B0%E5%AE%A4-Red-Tea-Cafe-650181138400935/


2. 撞到七彩芝士三文治

芝士迷一定唔會唔知芝士有唔同嘅顏色,呢間專賣芝士三文治嘅小店出品好特別,芝士唔止足料,仲扯極唔斷,最最最特別嘅係一件三文治裡面有唔同顏色嘅芝士,勁吸睛!呢件叫「開心首選」嘅四色招牌多士,裡面夾咗紅番茄、綠羅勒、藍薰衣草同車打芝士,鐵板烘過之後, 一拉開,芝士就五顏六色。影相開心之餘,食都開心啦,因為無加任何人工色素!唔怪得叫「開心首選」啦!


圖片來源:fishyufishyu@IG

KALA Toast 卡洛芝士吐司專門店
荃灣荃興徑4-6號地舖
Facebook: https://www.facebook.com/KALAToast/?fref=ts


3. 黐線嘅芝士治

同樣做芝士三文治一樣咁出色嘅仲有呢間喺長沙灣嘅 Café !佢個芝士治令唔少其他區嘅人慕名而去!嗰度嘅「黐線芝士黐住芝士治」拉芝效果好壯觀,睇完之後真係會令人不禁講句「黐線」!你睇下佢啲芝士,可以拉到幾遠,幾長!芝士迷,係咪即時兩眼發光呢?餐廳最近出咗新口味「黐線咖哩芝士黐住芝士絲治」,將咖哩同芝士混喺一齊,拉芝嗰陣應該會更吸引!


圖片來源:foodstalkerhk@IG、kyhunger@IG

Holy Chef
長沙灣保安道401-405號昌暉大廈12號舖
Facebook: https://www.facebook.com/OMGHOLYCHEF/?fref=ts


4. 一切即湧芝士「吐」司

芝士吐司點止咁少花款丫?芝士蛋白流心吐司你又聽過未呢?吐司上面係蛋白,仲有啲粟米同芝士。一切開,芝士汁湧出!真係令人好難抗拒囉!除咗呢個吐司之外,原來呢間店係主打芝士食物,仲有芝士薯餅、芝士魚蛋呢啲嘢食,啱曬芝士迷啦!


圖片來源:foodxcouple

芝心糖人街
九龍城太子道西448號太子滙地下8號舖
Facebook: https://www.facebook.com/cheerzdessert/?fref=ts


5. 親民價芝士熔岩飯、芝士濃湯石鍋配手作麵/粉 

芝士迷一定唔會唔識「芝士熔岩飯」,但去韓國餐廳食,至少過百,唔多抵。小編之前就發現原來深水埗有餐廳以超親民嘅價錢就可以食到呢個芝士熔岩飯!用鐵板載著飯同蛋漿,一碗芝士另上,你可以自己倒芝士落去,即撈即食……望住啲芝士喺鐵板上溶化,真係個心都融埋!食飯時,芝士絲絲拉起,最期待的「拉芝」效果出現喇。食到飽一飽,都只係48蚊咋!



呢度仲有另一個芝士美食,就係「芝士濃湯石鍋配手作麵/粉」。話明芝士濃湯,所以佢嘅芝士味真係夠曬濃!值得一提嘅係,佢仲會畀一碗芝士條,覺得唔夠「芝」味,你仲可以再加落去!真係好體貼! 手作意粉嘅掛湯力強,每一啖都令人試到濃郁嘅「芝」味!


圖片來源:搵食有僑 Facebook 


飯意主題餐廳
深水埗元州街146號華興大樓地舖
Facebook: https://www.facebook.com/pages/%E9%A3%AF%E6%84%8F%E4%B8%BB%E9%A1%8C%E9%A4%90%E5%BB%B3/459669670838187?fref=ts


6. 唔辣但一樣咁吸引嘅雞煲

好多朋友同小編講,雞煲唔辣就唔好食;但小編唔多食得辣,所以好少食雞煲。但係,自從有咗佢,小編就可以同雞煲結緣喇!兩年前喺長沙灣開第一間分店,晚晚都排長龍,去年尾開多間分店,呢間專食芝士雞煲嘅米走雞風頭真係勁!雞煲內,以雞髀肉為主;每一塊雞肉都有半溶嘅芝士包住,芝士味四散!雞煲本來就混有芝士醬同芝士碎,不過如果芝士迷想食得再「芝」味啲,可以另外加錢加芝士片架!真係超邪惡啊!


圖片來源:搵食有僑 Facebook 

米走雞
長沙灣青山道383號地舖 / 太子彌敦道761號太子藍馬之城2樓
Facebook: https://www.facebook.com/%E7%B1%B3%E8%B5%B0%E9%9B%9E-1405004853066857/


7. 內有乾坤炸雞手指

韓風吹入香港之後,炸雞浪潮未停過,近日更開多幾間。開始覺得食炸雞都悶嘅話,食以下呢個炸雞一直令你好驚喜!呢個芝士炸雞手指係餐廳嘅推介小食,每隻如手指大小嘅炸雞裡面,都釀入咗芝士!只要趁熱嘅時候,咬開中間,芝士就會湧出嚟!大家食嗰時記得要小心,唔好燙到嘴喇!


圖片來源:mavis_foodie@IG

Coffee Jobs
旺角廣華街3號百利達廣場地下3號舖
Facebook: https://www.facebook.com/Coffee-Jobs-1059015277450899/?fref=ts


8. 麻糬窩夫MIX 芝士?

麻糬窩夫應該有唔少人鍾意,因為中間帶啲煙韌口感,不過一般都係配水果、雪糕、抹茶或者紫薯,但從來都未見過有人配芝士。有時有啲嘢,只要你肯諗,就真係有!小編之前就喺上環一間餐廳食過「芝士麻糬窩夫」,真係幾特別!

外形係水滴形狀,一嚟到就聞到好香蛋味。芝士喺邊?原來芝士就喺窩夫上面,一粒粒嘅芝士其實係芝士蛋糕,真係完全估佢唔到!入口軟滑,芝士味輕而淡,同埋窩夫食啱啱好,唔會好「膩」!



La postre
上環永樂街50號昌盛大廈3樓
Facebook: https://www.facebook.com/La-Postre-1618603075053782/?fref=ts


睇見流口水嘅鑊仔芝士通粉

外國人食芝士就最叻,所以呢個「美國勁厚車打芝士鑊仔通粉」真係睇見都令人流曬口水!首先,用鑊仔上檯,熱力令芝士變溶,吸引力已經大增!鑊裡面嘅每一粒通粉完完全全被溶咗嘅芝士包裹住,真係聞到、見到,都知無得嘆,必食啦!


圖片來源:ysafood@IG

Green Waffle Diner
銅鑼灣百德新街22-36號翡翠明珠廣場1樓10號舖
中環嘉咸街35-39號嘉豪大廈地舖
Facebook: https://www.facebook.com/Green-Waffle-Diner-127660523917542/?fref=ts


9. 重量級芝士撈丁

以為又係咩芝士撈出前一丁?畀啲耐性睇埋先啦!今次介紹嗁芝士撈丁有啲唔同,因為呢個係「三重芝士撈丁」,所以小編覺得係「重量級芝士撈丁」。除咗有芝士醬之後,呢個撈丁仲加入咗藍芝士、巴馬森芝士同埋車打芝士。芝士味超濃,好多客人為咗呢個三重芝士撈丁慕名而去呢!


圖片來源:_breadbreadface_ @IG

安安燒
旺角染布房街6號地舖 / 筲箕灣南安街93號鯉景大廈地下A舖
Facebook: https://www.facebook.com/ononbbq/?fref=ts


10. 芝士突襲香港地道小食!

芝士魅力真係沒法擋,竟然連香港人好鍾意嘅雞蛋仔都畀佢入侵,衍生出近日洗版嘅「芝士雞蛋仔」!呢個熔心芝士雞蛋仔,睇上去同一般雞蛋仔分別唔大,但其實每一粒雞蛋仔中間都隱藏住芝士粒。店員喺製作嘅時候,好細心咁每一格都放一粒芝士喺中間,令到芝士受熱,食嘅時候就會係半溶狀態,睇住啲芝士流出嚟,真係會好興奮!


圖片來源:kyhunger@IG

乜嘜雞蛋仔 McQ
佐敦渡船街38號建邦商業大廈6號舖
Facebook: https://www.facebook.com/mcqbubblewaffle/?fref=ts


11. 芝士與蛋無得彈

蛋同芝士從來都係好配搭。呢間小店嘅出品簡直就係將芝士同蛋發揮著淋漓盡致!嗰度嘅「窩蛋芝士薯條」同「煲仔飯窩蛋牛肉漢堡」,單係賣相,已經呃咗唔少LIKE!蛋係流心狀,芝士焗過之後,可以「拉芝」之外,最面層仲有芝士粉…… 加埋蛋汁一齊食,正!芝士味道都有既 雖然不算太濃。


圖片來源:bigfacesloveeating(左);hkfoodiexblogger (右)

至於煲仔飯窩蛋牛肉漢堡,本身係飯堡已經夠特別,但小編今次想強調嘅係佢啲芝士!睇張相,你就已經知道芝士有幾足料。配上窩蛋牛肉,加埋飯,味道應該似窩蛋牛肉煲仔飯加芝士……應該唔會唔夾,有機會都想去試下! 

味帝
大角咀埃華街117號地下B舖
Facebook: https://www.facebook.com/may.day.kitchen/


12. 芝士狂瀉!荃灣街坊價食芝士漢堡

鍾意食漢堡嘅人,大多數都鍾意芝士,個包中間嘅芝士愈多就愈好!如果真係咁,就一定要去試下呢個「爆曬醬芝士牛堡」!一見到,真係包如其名,啲醬流到呢,好到瀑布咁!一拉……嘩!聽聞話係用咗6種唔同嘅芝士,唔怪得啲芝士質感同平時唔同,可以流得咁厲害!芝士迷見到啲芝士咁壯觀,好可能已經決定今個星期就去食喇!


圖片來源: hkfoodiexblogger(右)

鮑記大食部
荃灣荃華街36-48號富麗花園B商場地下38A舖
Facebook: https://www.facebook.com/a.valdocco/


13. 成碗芝士淋喺面嘅熱溶芝士熱狗

食完上面咁多芝士美食,相信你已經由芝士控進化成芝士魔。如果想再升級,一定要試埋呢個將成碗熱溶芝士淋喺面嘅熱狗喇!碗芝士好濃味,芝士多到好似爆漿咁,用叉食又可以拉絲,真係好過癮!食完唔止變芝士魔,芝士怪都可能變得到!


圖片來源:saiv_chow IG

ICONIC H 特色熱狗店 
銅鑼灣禮頓道106-126號禮信大廈地下3&16號舖 /紅磡必嘉街97號黃埔唐樓C座106A舖
Facebook: https://www.facebook.com/ICONIC.H


14. 人氣5層芝士流心軟包

最後又點少得一出爐就被人掃曬,排隊排足成個鐘嘅5層芝士流心軟包呢?呢個包睇上去白雪雪,軟綿綿;話明5層芝士,即係個包由內到外都係芝士。外面佈滿芝士粉,好特別。每一啖都係好濃嘅芝士味,口感好鬆軟,小編從來都未食過呢類麵包。唔怪知得,每個賣$25蚊,但人人都買4、5個啦~


圖片來源:Chanhocha@IG

麥上日光
尖沙咀金馬倫道32-34號福橋大廈地下D號舖
Facebook: https://www.facebook.com/GuschlbauerHK/?fref=ts


咁多芝士美食,你諗好食邊間先未呢?決定咗就快啲出擊啦,好去處人人都爭住去架!

相關文章:
【香港好去處】尖沙咀10大必試新餐廳
【搵食至上】走遍荃灣尋覓8大特色美食 齊齊食好西!

Edited by CLASSES



新聞資訊