買傢俬必備!「HOMEY」助你挑選合適佈置 - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2017年07月13日
買傢俬必備!「HOMEY」 助你挑選合適佈置
買傢俬必備!「HOMEY」 助你挑選合適佈置

每個人都一定幻想過自己dream house......與其哂一大筆錢請室內設計師,不如親手將自己夢想家居實現出嚟!小編搵到全新手機APP「HOMEY」尋日上咗架啦,免費提供3D立體虛擬空間設計,短短幾分鐘就畫到夢想家居,無需特別技巧,超易上手!
 

 
裝修新居、翻新舊居、搬office……全部都想設計得靚靚仔仔,但由構思、規劃到實踐...嘩!非常消耗精力、錢同青春呀....明明對於Dream house,小編有好多諗頭,但諗起要不斷量Size就頭痕!HOMEY就完全免卻呢啲煩惱,透過3D立體虛擬空間設計,俾你自由發揮,仲有一站式服務,令個個都可以成為大師!HOMEY仲有好多獨特功能添!等小編逐樣介紹啦~
 
1.       平面圖及3D寫實圖



用家可以喺HOMEY超過一千個香港樓盤嘅資料庫中搵到自己嘅單位平面圖,平面圖提供實質尺寸、繪畫平面設計圖再冇難度啦~另外,HOMEY透過喺互聯網規劃室內空間格局,即時就可以提供3D立體寫實圖,以1:1實際比例視覺show哂成間屋,將你嘅dream house具體化,咁就可以開始製作3D立體模擬圖啦!
 
2.       自由組合家具



HOMEY有龐大嘅傢俱目錄,你可以搵到唔同品牌、款式嘅家居配件,將佢哋拖拉到「居室」,睇吓傢俱嘅位置、樣式、同整體配搭嘅感覺岩唔岩。你可以根據個人品味同創意,自由組合各樣顏色、材質、風格、外觀嘅家具,連地板、天花板同牆壁嘅紋理都可以揀,睇得出HOMEY非常重視細節!你仲可以將親自設計嘅作品save低同埋share俾其他人添~
 
3.    AR實鏡模式



將APP直接帶到現實!用AR實鏡增強功能,將鏡頭對準身處嘅現實空間,就可以將HOMEY交易平台入面各款傢俱飾品「放」喺家中。相比起手繪草圖,AR實鏡就更加方便,而且仲好具體,岩唔岩feel一「放」就知~
 
4.       VR模式



除咗AR,HOMEY仲內設VR模式,只要帶上VR眼鏡,即使身在他方都可以幻想自己喺新居~~直接感受每件心水傢俱及裝飾品嘅大小、高度、位置,同自身嘅距離,好似已經住緊喺新居咁呀!
 
5.    電子交易平台



設計完家居,唔通又要出街奔波先買到同款?!點會呢!HOMEY透過雲端功能,等大家可以喺交易平台上輕鬆揀傢俱同飾品,咁就唔使走嚟走去啦~
 
其實HOMEY嘅理念不限於家居,對於辦公室、餐廳、咖啡店或任何室内設計都岩用架!最近身邊仲有邊個朋友諗緊裝修?快啲Share俾佢哋啦!

相關文章:
炎夏必備保冰杯保持冰凍!效果完全超越保溫杯!

EDITED BY CLASSES

 


新聞資訊