絲襪常常破洞?教你怎樣保養、補救! - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2016年05月09日
絲襪常常破洞?教你怎樣保養、補救!
絲襪常常破洞?教你怎樣保養、補救!
好多女仔最鍾意着絲襪,會令到隻腳顯瘦又帶點迷人,但應該大部份女仔都試過著著下一唔小心就勾爛咗,就會搞到有個窿,然後個窿仲會越嚟越大....然後變咗成條線....



唔使驚唔使驚,小編而家就話俾女士們點樣保養,補救同利用爛咗嘅絲襪啦!
 
【事前工夫】
 
 1) 將新絲襪放入雪櫃1-2日。
有專家就做過實驗,就確實咗經過一陣嘅雪藏就可以能增加纖維嘅緊密度,令絲襪變得粗糙,咁就冇咁易爛架啦。
 
聽落好似好荒謬,但真係work架!小編試咗之後就由每對絲襪淨係可以着一次變咗可以著幾次。(利申:小編真係試過架冇呃你但擺入去果陣就俾屋企人用奇異嘅眼光望住咁囉.....)



2) 著前搽啲cream係手同腳
絲襪大多數機會爛都係因為有磨擦力,搽返少少cream係手腳就可以令皮膚滑一滑,著果陣就可以減少返啲磨擦咁就冇咁易爛啦。保養絲襪之餘同時保養
 
3) 著新絲襪前先洗一洗
依個方法可以增加絲襪嘅柔軟度同耐穿力,減少一用力著就爛嘅機會。
 
4) 洗完後避免曬太陽
洗絲襪個陣可以用shampoo/中性番梘係溫水到搓洗,之後切忌俾佢曬太陽,因為陽光會影響到絲襪嘅纖維,搵個通風嘅地方晾乾就ok。
 
【hold住先急救術】
當絲襪開始爛嘅時候, 就要採用急救術!
 
將透明指甲油搽喺個窿嘅邊緣處就可以固定個窿既size,防止佢再無限放大。就咁係個窿嘅周界到差少少就ok,指甲油嘅質料可以固定個窿嘅大細,可以暫時頂住檔,防止變大。
又係聽落奇奇怪怪嘅方法,但又真係work喎!
 
(個溫馨小提示):搽個陣就記住將絲襪輕輕拉高,避免啲指甲油掂到你哋皮膚!


【環保利用】
咁如果真係穿得太多太多窿既話呢,都唔緊要喎!唔駛即刻諗住唔要,可以將爛左既絲襪套係掃把到輕輕一hi, 啲塵就即刻現晒形啦,因為絲襪其實有靜電,所以好容易就可以吸引到啲頭髮出黎,尤其係女仔呀,經常性甩頭髮....
小編就係用以下嘅小妙法將一條條嘅頭髮同塵一次過掃走!同埋絲襪好叻叻架,一啲平時吸塵機都難吸嘅位,例如梳化底呀櫃底咁都可以好易咁令啲塵無所遁形!

絲襪常常破洞-要美就要保養8


 
用絲襪吸塵仲有一個好處,就係掃完之後好鬼易處理,只要張用完嘅絲襪一反轉咁套番出嚟直接送佢去垃圾桶就搞掂晒喇!
 
所以女士們,爛咗嘅絲襪千其唔好輕易扔掉,佢隨時係你大掃除嘅好幫手!

相關文章:
OL注意  7招教你輕鬆清洗保溫杯
新髮式推介  女人味Up-韓風波浪瀏海


更多>>教學貼士


新聞資訊