嚇到個心離一離?玩Parkour定玩命! - 品味新聞 | CLASSES 香港學習資訊平台

CLASSES - Release Your Potential
  • Classmate 登錄
  • 訂閱優惠
  • Classes Hong Kong Facebook

  • 首頁
  • >
  • 新聞
  • >
  • 品味
  • >
日期:2017年12月18日
嚇到個心離一離?玩Parkour定玩命!
嚇到個心離一離?玩Parkour定玩命!

近呢一兩年,大家可能都會喺網上見到啲「空中飛人」係樓與樓之間跳嚟跳去,呢種運動就係叫Parkour!

Parkour係源於法國,想通過呢種運動嚟訓練身心對緊急情況下嘅應變能力,睇落去就好似逃脫咁,但動作優美而且有節奏!玩得呢種運動唔單止體能要好,而且思想都極為重要,每一個動作都要睇下跨唔跨過到,喺心入面已經計算好多嘢,例如:跣唔跣腳,夠唔夠位,夠唔夠力等等,所以對身心都係好大嘅考驗!


唔好以為Parkour要喺天台先玩得,其實只要有任何障礙物就可以進行,無論公園、大街小巷都可以係訓練場地,唔受場地限制又唔駛錢,算係容易入門嘅運動。由於對體能有好大要求,所以正式玩之前都要做大量體能訓練,例如喺平地爬行、跳躍等等!


另外呢個運動係會提升運動員克服困難嘅能力,唔少人都愈玩愈刺激,務求突破自己!喺相對安全嘅公園玩已經滿足唔到佢地,就慢慢向「高」難度挑戰,由低處玩到去天台!所以呢項運動好多時都會俾人列入極限運動!


其中一隊好出名玩Parkour嘅團隊仲嚟咗香港玩!不過因為好多物業都係私人,有所限制,難免會俾保安趕走,怕佢哋造成危險!但最終佢地都拍攝咗唔少片段!宜家就睇下!

觀眾切勿模仿

佢地真係好犀利!作為觀眾嘅小編真係睇都睇到手心濕哂,為咗大家安全著想及避免違法,絕對唔建議上高處玩,都係喺地下玩安全!

圖片及影片來源:StorrorBlog

相關文章:
Iphone X 一跌就爆?外國實測話你知!
外套有味但唔想密密洗?Panasonic除味衣架幫到你!

EDITED BY CLASSES



新聞資訊